Пад ціскам салігорскай грамадскасці парламентарыі ставяць пытанне пра будаўніцтва паліклінікі

2013 2013-11-08T13:30:14+0300 2013-11-08T13:30:14+0300 be http://spring96.org/files/images/sources/sal-baner-paliklinika-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дэпутаты Палаты прадстаўнікоў ад Салігоршчыны Яўген Абаленскі і Таіса Данілевіч нарэшце звярнулі сваю ўвагу на неабходнасць будаўніцтва ў сталіцы шахцёраў новай паліклінікі. Адбылося гэта пасля шматлікіх зваротаў да іх з боку мясцовых дэмакратычных актывістаў.

Сябра Аб’яднанай грамадзянскай партыі Віктар Малочка ўжо шмат гадоў займаецца абаронай права жыхароў Салігорску на ахову здароўя і дамагаецца ад уладаў выканання канстытуцыйных абавязкаў па забеспячэнні магчымасці карыстацца ўстановамі аховы здароўя. Апошнім адказам салігорскіх парламентарыяў на свой запыт спадар Малочка збольшага задаволены.

- Мы дамагліся ад Абаленскага і Данілевіч дэпутацкага запыту ў Міністэрства аховы здароўя па пытанні будаўніцтва новай паліклінікі ў Салігорску. Больш за тое, на сумесным пасяджэнні Палаты прадстаўнікоў і Савета Рэспублікі яны мусяць звярнуцца да Урада з прапановай аб уключэнні ў план фінансавання на наступны год будаўніцтва новай паліклінікі ў нашым горадзе. Усё ж такі гэта ўзняццё праблемы на больш высокі ўзровень. Дэпутаты разумеюць важнасць узнятага пытання, таму маем спадзеў на станоўчы вынік, - кажа Віктар Малочка.

Варта адзанчыць, што Міністэрства аховы здароўя адкрыта прызнае існуючую праблему. Толькі па афіцыйных дадзеных наведвальнасць салігорскай паліклінікі, пабудаванай яшчэ ў 1976 годзе і разлічанай на 600 наведванняў у змену, фактычна складае 2100 чалавек штодня. Такая сітуацыя звязана не толькі з павелічэннем гарадскога насельніцтва, але і з абслугоўваннем жыхароў іншых гарадоў і раёнаў, у якіх адсутнічаюць адпаведныя спецыялісты. Паводле Міністэрства аховы задроўя, у 2014 годзе плануецца ўвод у эксплуатацыю філіі дзеючай паліклінікі ў новым мікрараёне, што мусіць зменшыць нагрузку на яе. Пасля гэтага Мінскім абласным выканаўчым камітэтам будзе разгледжана пытанне аб будаўніцтве новай паліклінікі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international