Магілёўскі раён: штраф за ўтрыманне свіней адменены па фармальных прычынах

2013 2013-11-05T07:57:57+0300 2013-11-05T08:38:22+0300 be http://spring96.org/files/images/sources/sudovaja_zala.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

4 лістапада Магілёўскі раённы суд адмяніў пастанову адміністрацыйнай камісіі пры Магілёўскім райвыканкаме ад 30 жніўня 2013 за парушэнне п.52 Ветэрынарна-санітарных правілаў вырошчавання свіней і ўтрыманні іх ва ўласным падворку ў радыусе меней за 5 кіламетраў ад СВК “Палыкавічы”.

Нагадаем, што адміністрацыйная камісія з гэтай нагоды аштрафавала жыхарку вёскі Палыкавічы Магілёўскага раёна Магілёўскай вобласці Святлану Ліпецкую на 1,5 мільёны рублёў. Жанчына са штрафам не пагадзілася і абскардзіла яго ў судовым парадку.

Распавядае праваабаронца Барыс Бухель:

“Пастанова адміністрацыйнай камісіі была адменена судом па фармальных прычынах. Па-першае, на прадпісанні, якое было выдадзена ветэрынарнай службай і ў якім адзначалася, што свіней варта знішчыць цягам тыдня, адсутнічала пячатка, што з’яўляецца парушэннем. Па-другое, пратакол аб адміністрацыйным правапарушэнні не адпавядаў яго копіі. У арыгінале было заўважна, як нехта іншай асадкай дапісаў тры сведкі, чаго не было ў копіі пратаколу, які быў выдадзены спадарыне Ліпецкай”.

Праваабаронца перакананы, што скласці новы адміністрацыйны пратакол у адпаведнасці з раней вынесенай пастановай немагчыма – прапушчаны ўсе тэрміны, а заднім чыслом гэта рабіць ужо ніхто не будзе.

“Я мяркую, што ажыятаж са знішчэннем свіней на прыватных падворках у радыусе пяці кіламетраў ад дзяржаўных ферм пайшоў на спад і новае прадпісанне ветэрынарнай службы не будзе вынесена. Калі ж яны прынцыпова захочуць прадоўжыць гэты працэс, то ім трэба будзе ўсё рабіць ад самага пачатку. Так што свінні пакуль пажывуць”, - гаворыць праваабаронца.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international