Гарадзенскія праваабаронцы супраць дыскрымінацыі

2013 2013-11-05T06:52:01+0300 2013-11-05T06:52:01+0300 be http://spring96.org/files/images/sources/nezalezhnaja_zhurnalistyka-akcyja-garodnia.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Раман Юргель (БХК), Уладзімір Хільмановіч і Віктар Сазонаў ("Вясна")

Раман Юргель (БХК), Уладзімір Хільмановіч і Віктар Сазонаў ("Вясна")

Гарадзенскія грамадскія праваабаронцы Віктар Сазонаў, Уладзімір Хільмановіч, Раман Юргель падалі ў суд Ленінскага раёна Гародні чарговую скаргу на рашэнне Гарадзенскага гарвыканкаму ад 4 кастрычніка за подпісам намесніцы старшыні мясцовай вертыкалі Алены Агей, якім было забаронена правядзенне інфармацыйнага пікету 10 кастрычніка бягучага году. У Сусветны дзень змагання супраць смяротнага пакарання праваабаронцы хацелі інфармаваць насельніцтва пра сітуацыю са смяротным пакараннем у свеце і ў Беларусі і патрабаваць адмены смяротнага пакарання ў краіне. Гарвыканкам, на думку заяўнікаў, парушыў іх канстытуцыйныя правы, прычым выставіў абсурдныя прычыны адмовы.

 Гарадзенскі гарвыканкам на думку праваабаронцаў выявіў бюракратызм, заявіўшы ў сваім афіцыйным адказе, што яны былі абавязаны паведаміць пісьмова ў сваёй заяве, ці будзе масавае мерапрыемства праводзіцца з выкарыстаннем піратэхнічных вырабаў і адкрытага агню. Заяўнікі лічаць, што мусілі б паведамляць пра выкарыстанне піратэхнічных вырабаў і адкрытага агню толькі ў выпадку, калі б гэта прадугледжвалася.

Віктар Сазонаў, Уладзімір Хільмановіч, Раман Юргель таксама перакананыя, што гарвыканкам беспадстаўна, а значыць незаконна вырашыў, што яны не змогуць “в должной мере соблюсти необходимые требования действующего законодательства Республики Беларусь по обеспечению безопасных условий проведения заявленного массового мероприятия и наведения порядка по его окончании”. На чым грунтавалася такая выснова застаецца незразумелым.

4-га ж лістапада ў гарадзенскім абласным судзе адбудзецца разгляд іншай скаргі гэтых жа праваабаронцаў на рашэнне суда Ленінскага раёну Гародні па адмове гарвыканкамам праводзіць пікет у падтрымку Алеся Бяляцкага 4 жніўня. 23 верасня суддзя раённага суда Жана Краўчанка прадказальна ўзяла бок чыноўнікаў, нягледзячы на відавочныя парушэнні з іх боку.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international