У Бялынічах заклікалі адмовіцца ад смяротнага пакарання

2013 2013-10-28T13:41:11+0300 2013-10-28T13:41:11+0300 be http://spring96.org/files/images/sources/bilynichy-smiarotnae.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У гарадскім пасёлку Бялынічы грамадскія актывісты заклікалі мясцовых жыхароў далучыцца да акцыі супраць смяротнага пакарання ў Беларусі. Мясцовыя актывісты Партыі БНФ і кампаніі “Гавары праўду” распаўсюдзілі сярод бялынічанаў паштоўкі “Мы супраць смяротнага пакарання”, у якіх гаворыцца пра тое, што Беларусь павінна адмовіцца ад смяротнага пакарання.

Паштоўкі распаўсюджваюцца ў крамах мясцовых прадпрымальнікаў, якія  з’яўляюцца сябрамі Партыі БНФ і актывістамі кампаніі “Гавары праўду”. Пэўная колькасць паштовак была таксама распаўсюджана шляхам укідвання ў паштовыя скрыні і сярод актывістаў, якія пражываюць у аграгарадках Бялыніцкага раёна.

Грамадскія актывісты заклікаюць бялынічан  падпісваць паштоўкі з заклікам адмовіцца ад смяротнага пакарання і накіроўваць іх на адрас кіраўніка краіны Аляксандра Лукашэнка.

У паштоўках выказваецца патрабаванне, каб урад Беларусі неадкладна ўвёў мараторый на вынясенне смяротных прысудаў і выкананне пакаранняў смерцю з тым, каб у далейшым адмовіцца ад прымянення смяротнага пакарання ў адпаведнасці з рэзалюцыяй 63.168 Генаральнай Асамблеі ААН ад 18 снежня 2008 года. Таксама патрабуецца неадкладна замяніць усе вынесеныя смяротныя прысуды тэрмінамі пазбаўлення волі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international