Колькасць забароненых у Віцебску пікетаў "пераваліла" за 50

2013 2013-10-28T13:33:17+0300 2013-10-28T13:33:17+0300 be http://spring96.org/files/images/sources/shaliapau-gaurucikau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Хрыстафор Жаляпаў і Аляксей Гаўруцікаў.

Хрыстафор Жаляпаў і Аляксей Гаўруцікаў.

Апошнюю адмову ад  адміністрацыі Першамайскага раёна атрымалі Аляксей Гаўруцікаў і Хрыстафор Жаляпаў. 29 кастрычніка яны хацелі правесці пікет салідарнасці з палітвязнямі.

Каардынатар Руху "За свабоду" па Віцебскай вобласці Хрыстафор Жаляпаў і актывіст аргкамітэту па стварэнні сацыял-дэмакратычнай партыі "Народная Грамада" Аляксей Гаўруцікаў падрыхтавалі заяўку такім чынам, каб у раённых уладаў было найменей падставаў адмовіць. Пікет салідарнасці з палітвязнямі быў прызначаны на будзённы дзень, бо перадапошнім разам  актывістам не ўдалося заключыць дамову на абслугоўванне акцыі з медыкамі. З цэнтральнай гарадской паліклінікі адказалі, што ў  выходныя няма магчымасці арганізаваць дзяжурства машыны хуткай дапамогі, бо іх на працы і так  нямнога.

"Гэтым разам медыкі адмовілі нам ізноў. Але ўжо не ўказаўшы аніякае прычыны ўвогуле – проста напісалі, што немагчыма заключыць з намі дамову, дый усё! З міліцыі на наш запыт мы ўвогуле не дачакаліся адказу. Прынамсі, ліст пра забарону акцыі з Першамайскай раённай адміністрацыі мы ўжо атрымалі, а з управы МУС – не. Хаця  лісты па адказных структурах мы разаслалі раней, чымсьці падавалі заяўку. Такім чынам, з усіх адрасатаў станоўчы адказ мы атрымалі толькі ад структуры ЖКГ, яны не супраць заключыць з намі дамову на прыборку пасля пікета", - распавёў Аляксей Гаўруцікаў.

Папярэдняе заключэнне дамоваў на абслугоўванне акцый рэгламентавана  рашэннем гарвыканкаму №881 "Аб арганізацыі масавых мерапрыемстваў у г.Віцебску" . Яно было прынята тры з паловай гады таму, я з тае пары ў Віцебску не было дазволена ніводнай акцыі па ініцыятыве апазіцыйных актыістаў. Хаця колькасць пададзеных за гэты час заявак сягае ўжо за паўсотні, працягвае спадар Гаўруцікаў:

"У 2011 годзе мы са спадаром Жаляпавым падавалі заяўкі штомесяц. У мінулым годзе, можа, крыху радзей. Сёлета – зноў штомесяц. Апрача нас, актыўна падаюць заяўкі сябры Кансерватыўна-Хрысціянскай Партыі БНФ, праваабаронцы. Адным слова, штук 50 заявак дакладна было пададзена. Але – беспаспяхова. Бо рашэнне гарвыканкаму выканаць нікому не ўдаецца: адказныя структуры -- а гэта міліцыя, ЖКГ і медыкі – адмаўляюцца з намі супрацоўнічаць, спасылаючыся на розныя прычыны. А то і ўвогуле без тлумачэнняў, як апошнім разам, калі нам забаранілі праводзіць пікет салідарнасці з палітвязнямі".

Віцебскія актывісты лічаць, што рашэнне гарвыканкаму стадла перашкодай для рэалізацыі права на свабоднае выказванне думак і права на мірныя сходы. Неаднаразова яны звярталіся ў гарвыканкам і  аблвыканкам, каб змяніць  рашэнне №881. Але ўлады не пагаджаюцца. Не дапамагаюць і звароты ў суд з тым, каб змусіць адказныя структуры да заключэння дамоваў: суды не падтрымліваюць патрабаванні актывістаў. Суддзі цвердзяць, што заключэнне дамоваў для апазіцыянераў – справа абавязковая, а для дзяржаўных структураў – не, і таму яны могуць адмаўляцца ад супрацоўніцтва. Звярнуцца ў нейкія альтэрнатыўныя службы таксама не выпадае: у рашэнні гарвыканкама   "Аб арганізацыі масавых мерапрыемстваў у г.Віцебску" дакладна прапісана, што дамаўляцца трэба толькі з канкрэтнымі ўстановамі, і ніяк інакш.

  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international