Юрыст: Новы прэзідэнцкі ўказ датычна вяшчання і паліграфіі выклікае шмат пытанняў

2013 2013-10-16T11:11:20+0300 2013-10-16T11:11:20+0300 be http://spring96.org/files/images/sources/baj.jpg

«Ажыццяўленне ліцэнзійнай дзейнасці ў мэтах, якія супярэчаць інтарэсам Рэспублікі Беларусь» будзе лічыцца грубым парушэннем заканадаўства аб ліцэнзаванні.

Прэзідэнцкі ўказ №456 ад 7 кастрычніка 2013 г. «Аб унясенні дапаўненняў і змяненняў у некаторыя ўказы Прэзідэнта Рэспублікі Беларусь» уносіць змяненні ў два ранейшыя ўказы: «Аб удасканаленні кантрольнай (нагляднай) дзейнасці ў РБ» і «Аб ліцэнзаванні асобных відаў дзейнасці».    

У першым дакуменце змены касметычныя – дадаецца абзац пра «кантроль за выкананнем заканадаўства ў галіне выдавецкай справы». 

Другі ўказ змяняецца больш істотна – «Дзейнасць у галіне вяшчання» дадаецца як новы від ліцэнзаванай дзейнасці, а ў раздзел «Паліграфічная дзейнасць» уносіцца шмат зменаў.  

Прэс-служба ГА «БАЖ» звярнулася да юрыста Аляксандра Жука з просьбай падзяліцца першымі ўражаннямі ад прадугледжаных указам новаўвядзенняў.

Як мне падаецца, у дакуменце даволі шмат цьмяных момантаў.Напрыклад, з пададзеных ва ўказе вызначэнняў “друкаванай прадукцыі” і “паліграфічнай дзейнасці” вынікае, што цяпер да такой дзейнасці належыць толькі выраб газет, часопісаў, бюлетэняў і іншых відаў друкаваных СМІ. Гэта азначае, што выраб іншай друкаванай прадукцыі – канвертаў, бланкаў, этыкетак і г.д. – ужо не лічыцца паліграфічнай дзейнасцю.

Выдавецкая дзейнасць знікла з пераліку ліцэнзаваных відаў дзейнасці. Але гэта адбылося толькі таму, што згодна з новым законам “Аб выдавецкай дзейнасці” мяняецца форма кантролю за выдаўцамі – замест атрымання ліцэнзіі яны мусяць рэгістравацца ў якасці выдаўцоў.

Раней было прапісана, што не патрабуецца атрыманне ліцэнзіі для выпуску друкаванай прадукцыі з выкарыстаннем прынтараў, капіявальных апаратаў і г.д. Зараз, даслоўна трактуючы новыя палажэнні ўказу, калі ты на прынтары вырабляеш друкаванае СМІ, то ліцэнзія ўсё ж патрэбная. Таму што “паліграфічная дзейнасць” – гэта рэпрадукаванне прадукцыі пры дапамозе тэхнічных і тэхналагічных сродкаў. Атрымліваецца, што прынтары і капіявальныя апараты падпадаюць пад ліцэнзаванне, калі ты пры дапамозе іх вырабляеш друкаваны СМІ.

Сярод пунктаў, змены ў якіх таксама прыцягваюць увагу, – тыя, што тычацца «грубых парушэнняў» у паліграфічнай і ў вяшчальнай дзейнасці. Раней гаворка ішла пра “заклікі да экстрэмісцкай дзейнасці”, “экстрэмісцкія матэрыялы”, “выпуск парнаграфічнай літаратуры”.

Цяпер «грубымі парушэннямі заканадаўства аб ліцэнзаванні, ліцэнзійных патрабаванняў і ўмоваў» лічыцца «ажыццяўленне ліцэнзійнай дзейнасці ў мэтах, якія супярэчаць інтарэсам Рэспублікі Беларусь».

– Цікава, што гэта за мэты такія, якія супярэчаць інтарэсам РБ? Нідзе расшыфроўкі гэтага тэрміну няма. Паняцце “экстрэмісцкай дзейнасці” ёсць, “парнаграфіі” – таксама ёсць. А цяпер гэта замянілі гэта на агульную фармулёўку, якая адкрывае шырокае поле для трактавання.

Юрыст кажа, што дакумент патрабуе больш дэтальнага вывучэння. Найбліжэйшым часам гэта будзе зроблена.  

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international