Магілёўскага апазіцыянера хочуць выселіць з інтэрнату праз суд

2013 2013-10-15T22:22:18+0300 2013-10-15T22:24:23+0300 be http://spring96.org/files/images/sources/zalozny-mikalaj.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мікалай Залозны.

Мікалай Залозны.

Актывіст Беларускай сацыял-дэмакратычнай партыі (Грамады) Мікалай Залозны атрымаў позву ў суд Ленінскага раёна Магілёва. Паводле яе, 24 кастрычніка 2013 года суддзя Юлія Трапыніна разгледзіць пытанне высялення актывіста з інтэрнату без прадастаўлення яму іншага жылля.

Ініцыятарам судовага працэсу выступіла дзяржаўнае ўнітарнае камунальнае даччынае жыллёва-эксплуатацыйнае прадпрыемства, у якім раней Мікалай Залозны працаваў сантэхнікам. На час працы яму быў прадастаўлены пакой у інтэрнаце.

За сваю палітычную дзейнасць Мікалай Залозны больш за год назад быў звольнены з працы, судзіўся з кіраўніцтвам за права аднавіцца на працы, аднак прайграў усе суды.

Затым адбылося яшчэ два судовых працэсы з нагоды таго, што кіраўнік магілёўскіх інтэрнатаў Павел Шышоў у інтэрвью з карэспандэнтам БелаПАН Алесем Асіпцовым, каментуючы высяленне з інтэрнату Мікалая Залознага абазваў БСДП бандай, даслоўна сказаўшы “Ён уваходзіць у склад банды Грамада”.

У судзе Шышоў сказаў, што партыю бандай ён не называў, голас на запісу яму не належыць і ўсё гэта мантаж. Судзя Андрэй Юрчанка стаў на бок Шышова адмовіўшы Мікалаю Залознаму і БСДП у хадайніцтве зрабіць фонаскапічную экспертызу запісу інтэрвью Шышова з Асіпцовым.

Як толькі скончыліся ўсе суды, Павел Шышоў пачаў далейшы працэс высялення сацыял-дэмакрата з інтэрнату, распачаты ім год назад.

“Дабіцца праўды праз судовую сістэму немагчыма – там усё схоплена. Шышоў ведае ўсіх суддзяў, пракурораў, іншых чыноўнікаў. Яго сын таксама працуе ў міліцыі. Я назбіраў датычна яго 50 старонак матэрыялаў, дзе даю факты злоўжывання ім сваім службовым становішчам і карупцыі. Усё гэта я перадаў у розныя дзяржаўныя кантралюючыя органы. У пракуратуры мне спачатку сказалі, што Шышоў сядзе надоўга, аднак потым чалавек, якому я занёс гэтыя дакументы, перазваніў мне і сказаў, што “зверху” забаранілі даваць ход гэтай справе. Акрамя таго, за год са мной так ніхто з міліцыі, пракуратуры і КДБ не сустрэўся паразмаўляць па выкладзеных мною фактах у заявах і скаргах”, - гаворыць Мікалай Залозны.

Актывіст “Грамады” кажа, што іншага месца жыхарства ў яго няма. 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international