У Віцебску заяўлены пікет супраць смяротнага пакарання

2013 2013-10-07T11:19:30+0300 2013-10-07T11:19:30+0300 be http://spring96.org/files/images/sources/smiarotnae1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Заяўка пададзена ў адміністрацыю Чыгуначнага раёну. Заяўнік, праваабаронца Леанід Свецік, хоча правесці пікет, каб абмеркаваць з жыхарамі  Віцебску  праблемы, звязанымі з наяўнасцю і ўжываннем смяротнага пакарання ў Беларусі.

Леанід Свецік распавёў, што заяўка пададзена ў раённую адміністрацыю ў адпаведнасці з тым, як размеркаваныя ў горадзе месцы, вызначаныя для правядзення масавых акцый. Праваабаронца просіць дазволу, каб правесці пікет 19 кастрычніка ў Парку культуры і адпачынку чыгуначнікаў. Меркаваная колькасць удзельнікаў – 10 чалавек.

«Заяўлены мною пікет – гэта крок у бок шырокай дыскусіі па праблеме смяротнага пакарання ў нашай краіне», – кажа віцебскі праваабаронца.

Дыскусія па праблеме смяротнага пакарання – дастаткова актуальная менавіта для Віцебску. Тут многія памятаюць, што, паводле абвінавачання за выбух у мінскім метро 11 красавіка 2011 года былі пакараныя смерцю віцябляне Уладзіслаў Кавалеў і Дзмітрый Канавалаў. Вырак Вярхоўнага суду, які асудзіў двух хлопцаў на смерць, быў успрыняты ў грамадстве далёка неадназначна, і расстрэл абвінавачаных выклікаў у Беларусі вялікую хвалю грамадскага абурэння.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international