Кнігу Карбалевіча пра Лукашэнку правераць на экстрэмізм гарадзенскія ідэолагі

2013 2013-10-06T12:07:45+0300 2013-10-06T12:07:45+0300 be http://spring96.org/files/images/sources/karbelevich-lukashenka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорац Аляксандр Малочка атрымаў ад начальніка Ашмянскай мытні паведамленне аб прызначэнні мытнай экспертызы па кнізе, канфіскаванай у яго на беларуска-літоўскай мяжы 14 верасня. Гаворка пра біаграфічную кнігу аўтарства Валера Карбалевіча “Аляксандр Лукашэнка. Палітычны партрэт”.

З адказу кіраўніка мытні вынікае, што экспертыза была прызначана 30 верасня. Яе правязденне даручана “эксперту з ліку ўпаўнаважаных службовых асобаў Галоўнага ўпраўлення ідэалагічнай працы, культуры и па справах моладзі Гродзенскага абласнога выканаўчага камітэту”.

Па словах Аляксандра Малочкі, ён ніколі не лічыў сябе заўзятым ворагам існуючага ў Беларусі палітычнага ладу ды ніколі не заклікаў да яго звяржэння. “Але пасля ўсіх гэтых падзей, сапраўды пачынаю адчуваць сябе чужым у сваёй краіне. І гэтак адбываецца толькі таму, што я дазваляю сабе ў 21-ым стагоддзі ў нібыта самым цэнтры Еўропы чытаць тое, што хачу, а не тое, што хочуць іншыя,” - кажа салігорац.

Паводле заканадаўства Аляксандр Малочка мае права азнаёміцца з высновамі эксперта, а таксама хадайнічаць аб правядзенні дадатковай альбо паўторнай экспертызы. Малады чалавек гатовы скарыстацца гэтым правам, калі гарадзенскія ідэолагі палічуць кнігу Валера Карбалевіча небяспечнай для грамадства.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international