Штодзённа а 18:20 на прыступках касьцёла Сьвятога Язэпа праходзяць малітвы ў інтэнцыі вяртаньня касьцёла

2007 2007-04-23T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Заклік далучыцца да малітвы змешчаны на інтэрнэт-рэсурсе http://help.ratz.ru, створаным адмослова дзеля ўратаваньня нацыянальнай гістарычнай каштоўнасьці ў Менску: больш за пятнаццаць гадоў каталікі гораду дамагаюцца вяртаньня адабранага яшчэ ў 1863 г. кляштара з касьцёлам Сьвятога Язэпа:

"Гэты сайт зьяўляецца своеасаблівай формай пратэсту супраць зьнішчэньня ўнікальнага помніка архітэктуры XVII стагодзьдзя – касьцёла сьвятога Язэпа і кляштара бернардынаў у горадзе Менску. Мы ня супраць пабудовы пяцізоркавага гатэлю. Мы пратэстуем супраць перабудовы кляштара бернардынаў пад гатэльны комплекс. Праект мае сваёй мэтай прыцягнуць увагу грамадзкасьці да сітуацыі і аб’яднаць усіх людзей, якія хочуць і могуць дапамагчы ў вырашэньні гэтай праблемы.

Мы патрабуем ад уладаў перадаць будынак касьцёла сьвятога Язэпа і комплекс будынкаў былога кляштара бернардынаў Каталіцкаму касьцёлу.

Зьвяртаемся да ўсіх сродкаў масавай інфармацыі (асабліва да хрысьціянскіх) з заклікам як мага шырэй асьвятляць і распаўсюджваць інфармацыю пра сытуацыю з былым кляштарам.

Заклікаем вернікаў усіх канфесій Беларусі дапамагчы нам у вяртаньні сьвятыні і аказаць нам малітоўную ды іншую магчымую падтрымку. Мы просім дзеячоў навукі, культуры, мастацтва, ўсю інтэлігенцыю ды проста неабыякавых людзей адгукнуцца і зрабіць усё магчымае, каб захаваць касьцёл і помнік архітэктуры.

Толькі разам мы здолеем захаваць сьвятыню дзеля будучыні!

Стваральнікі сайту"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international