Супрацоўнікі мінскага АМАПу чысцілі кішэні мінчукоў

2013 2013-10-04T12:58:21+0300 2013-10-04T12:58:21+0300 be http://spring96.org/files/images/sources/amap.jpg

Крымінальная справа распачатая ў адносінах адразу чатырох ужо былых міліцыянтаў.

Матэрыялы па гэтай справе сабралі Галоўнае ўпраўленне па барацьбе з арганізаванай злачыннасцю і карупцыяй ды Галоўнае ўпраўленне ўласнай бяспекі.

З чатырох АМАПаўцаў двое служылі ў званні старшых сяржантаў, яшчэ двое — сяржантаў. Усе яны лічыліся аднымі з лепшых супрацоўнікаў падраздзялення, неаднаразова заахвочваліся кіраўніцтвам.

У справе фігуруюць два эпізоды з крадзяжом у мінчукоў 3,8 і 1,5 млн рублёў. Аднак не выключана, што насамрэч пацярпелых можа быць больш. Следчыя высвятляюць, як даўно міліцыянты займаліся гэтым.

Дарэчы, праверка па падазрэнні ў тым, што АМАПаўцы «чысцяць» кішэні мінчукоў, пачалася яшчэ ў траўні 2013 года.

Аднак справу распачалі толькі цяпер. За гэты час чатырох байцоў звольнілі, але не за крымінал, а «па пагадненні бакоў».

Трое ўжо былых АМАПаўцаў затрыманыя, аднаму ўдалося ўцячы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international