Палітвязня Арцёма Пракапенку пазбавілі доўгага спаткання з бацькамі

2013 2013-09-25T16:46:15+0300 2013-09-25T16:46:15+0300 be http://spring96.org/files/images/sources/prakapienka.jpg
Арцём Пракапенка

Арцём Пракапенка

Палітычнага вязня Арцёма Пракапенку пазбавілі доўгатэрміновага спаткання з бацькамі. Яно было запланавана на снежань. Прычыну адмовы ў сустрэчы з роднымі не дазваляюць паведамляць. Пра гэта палітвязень расказаў сваёй маці Віялеце Пракапенцы ў час апошняй тэлефоннай размовы:

- Я запыталася, ці не пазбавяць кароткага спаткання ў лістападзе. Ён адказаў, што не, бо ўжо пазбаўлялі. Яны ж паступова гэта робяць: апошнім разам пазбавілі яго прадуктовай перадачы, а цяпер – доўгатэрміновага спаткання. Я пацікавілася, а якое ж наступнае чакае пакаранне? Штрафны ізалятар і ПКП. Ён трымаецца. За ўвесь гэты час ніводнага разу не паскардзіўся, не казаў, што цяжка, што надакучыла, што хоча дадому. Ні разу...

Арцём Пракапенка быў асуджаны разам з Яўгенам Васьковічам і Паўлам Сырамалотавым да 7 гадоў зняволення за спробу падпалу дзвярэй Бабруйскага аддзела КДБ. Год таму Сырамалотаў выйшаў на волю, напісаўшы прашэнне пра памілаванне на імя Лукашэнкі. Пракапенка і Васьковіч адмаўляюцца пісаць такое прашэнне.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international