МЗС: Мы не ўдзельнічаем у еўрапейскім дыялогу аб мадэрнізацыі, які быў запушчаны без кансультацый з урадам Беларусі

2013 2013-09-25T11:13:37+0300 2013-09-25T11:13:37+0300 be http://spring96.org/files/images/sources/kupchyna.jpg
Намеснік міністра замежных спраў Алена Купчына

Намеснік міністра замежных спраў Алена Купчына

Пазіцыя Беларусі па праграме "Еўрапейскі дылог аб мадэрнізацыі" не змянілася. Аб гэтым БелаПАН заявіла намеснік міністра замежных спраў Алена Купчына.

"Мы не ўдзельнічаем у еўрапейскім дыялогу аб мадэрнізацыі, які быў запушчаны без удзелу прадстаўнікоў Беларусі і без кансультацый з беларускім урадам", — заявіла Купчына.

Нагадаем, кіраўнік дэпартамента Расіі, Усходняга партнёрства, Цэнтральнай Азіі, рэгіянальнага супрацоўніцтва і АБСЕ Еўрапейскай службы знешніх дзеянняў Гунар Віганд у гутарцы з журналістамі 24 верасня ў Мінску назваў сваю сустрэчу з Купчыной "канструктыўнай і плённай". "Яе галоўнай мэтай было абмеркаваць, у якой меры ўрад можа паўдзельнічаць у "Дыялогу аб мадэрнізацыі Беларусі". Але, канешне, я зноў паўтарыў пазіцыю ЕС, што для нармалізацыі адносін неабходна вызваленне палітзняволеных", — сказаў ён.

Адказваючы на пытанне БелаПАН, ці змянілася пазіцыя афіцыйнага Мінска, які раней катэгарычна адмаўляўся ўдзельнічаць у праграме "Еўрапейскі дыялог аб мадэрнізацыі Беларусі", Віганд сказаў: "Мы канструктыўна вядзём работу ў гэтым кірунку, разумеем, наколькі гэта адчувальныя пытанні".

Віганд адзначыў, што па меры далейшага прасоўвання перамоўнага працэсу з Беларуссю ў рамках "Дыялогу аб мадэрнізацыі" Еўрасаюз таксама хацеў бы дасягнуць поспеху і па пытанні заключэння пагадненняў пра аблягчэнне візавага рэжыму і аб рэадмісіі, аднак станоўчага адказу ад беларускіх улад пакуль не было.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international