У Магілёве актывісты БСДП хочуць прыцягнуць да адказнасці дэпутатаў парламента

2013 2013-09-13T14:18:31+0300 2013-09-13T14:18:31+0300 be http://spring96.org/files/images/sources/deputackija_mescy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пасля таго, як былі высланы калектыўныя звароты на імя чатырох дэпутатаў Палаты прадстаўнікоў ад Магілёва, двое з іх, Эдуард Сянкевіч і Аляксандр Разганаў, не палічылі патрэбным даць адказ актывістам.

Каб прыцягнуць да адказнасці "народных" абраннікаў, якія парушаюць закон аб звароце грамадян і не даюць адказ сваім выбаршчыкам, актывіст Беларускай сацыял-дэмакратычнай партыі (Грамады) Леанід Падбярэцкі, а таксама прыхільнікі партыі Аляксей Паўлоўскі і Дзмітрый Яўстратаў накіравалі скаргі ў Генеральную пракуратуру, а таксама на імя старшыні Палаты прадстаўнікоў.

Сітуацыю каментуе Леанід Падбярэцкі:

"Дэпутаты Васіленка і Станкевіч адказалі, а вось Сянкевіч і Разганаў не палічылі патрэбным адказваць на калектыўны зварот 500 грамадзян. Хто мы цяпер для іх? Яны ж атрымалі свае месцы і забыліся на праблемы народа".

Леанід Падбярэцкі падкрэслівае, што подпісы дэпутатам былі накіраваны яшчэ ў чэрвені гэтага года. Прайшло тры месяцы, а ад іх - "ни слуху, ни духу".

Нагадаем, што ў пачатку года магілёўскія актывісты БСДП ініцыявалі кампанію за прыняцце закона "Аб грамадскіх слуханнях". Мэтай кампаніі было прыцягнуць увагу да пастаяннага ігнаравання ўладамі меркавання жыхароў адносна сваіх планаў, а таксама заканадаўча замацаваць абавязковую працэдуру правядзення грамадскіх слуханняў ў шэрагу выпадкаў, у тым ліку пры зносе старых раёнаў, ушчыльненні мікрараёнаў новымі дамамі і перадачы зямлі агульнага карыстання новым уласнікам.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international