На аўтара відэа пра МАЗ і Курасоўшчыну завялі крымінальную справу

2013 2013-09-12T16:16:38+0300 2013-09-12T16:16:38+0300 be http://spring96.org/files/images/sources/ruslan-mirzoeu.jpg
Руслан Мірзоеў

Руслан Мірзоеў

Міліцыя Кастрычніцкага раёну Менску завяла крымінальную справу аб парушэньні парадку адбыцьця хатняй «хіміі» супроць Руслана Мірзоева, аўтара відэаролікаў пра МАЗ і менскі мікрараён Курасоўшчына.

«Так, завялі справу на Руслана. Яму пра гэта ўчора паведамілі ў міліцыі. Пасьля таго як ён адбыў 7 сутак на Акрэсьціна ў жніўні, усё нібыта ішло нармальна, а тут раптам сказалі, што заведзеная справа!» — паведаміла Радыё Свабода жонка Руслана Мірзоева Мар’ям.

Тэлефон самога Руслана Мірзоева цяпер маўчыць. Раней сайту Хартыі-97 Руслан Мірзоеў паведаміў, што за ім лічыцца ў міліцыі ажно 5 парушэньняў, пра якія ён даведаўся нядаўна і нечакана, і што зараз яму пагражаюць 3 гады рэальнага зьняволеньня.

Таксама Руслан Мірзоеў сказаў, што ня робіць цяпер крытычных відэафільмаў, але цалкам ад творчасьці не адмовіўся і здымае «гумарыстычныя ролікі». «Як можна забіць у чалавеку палымяны парыў ягонага сэрца і жаданьне самарэалізавацца? Я разумею, у якой краіне я жыву, але не магу забіць у сабе гэтае імкненьне. Гэта б азначала згніць знутры», — казаў Руслан Мірзоеў.

Улетку Руслана Мірзоева звольнілі з МАЗа, пра які ён зьняў відэаролікі і выклаў у інтэрнэце. Пасьля зьяўленьня новых відэаролікаў пра наркаманаў і маладых злачынцаў у Курасоўшчыне ў жніўні Руслан Мірзоеў быў затрыманы міліцыяй і асуджаны на 7 сутак арышту нібыта за непадпарадкаваньне міліцыі. Больш за год таму Руслан Мірзоеў быў асуджаны за крадзеж і адбываў за гэта «хатнюю хімію».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international