Ці прыслухаюцца пружанскія ўлады да цвярозага голасу гараджан?

2013 2013-09-09T16:36:47+0300 2013-09-09T16:36:47+0300 be http://spring96.org/files/images/sources/alkagalizacyja.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Жыхары Пружан патрабуюць перанесці ў іншае месца фірмовую краму “Склад” Берасцейскага лікёра-гарэлачнага завода, якая нядаўна адчынілася насупраць сярэдняй школы № 4. Людзі лічаць такое размяшчэнне крамы шкодным для дзяцей і падлеткаў.

Па словах пружанцаў, у горадзе добрай кавы няма дзе папіць, а вось з набыццём гарэлкі ніякіх праблем не існуе. Ля кожнай школы ёсць крама, дзе прадаюцца алкагольныя напоі, а каля сш №4 цяпер з’явілася яшчэ і спецыялізаваная. Гараджане лічаць, што трэба не толькі новую перанесці ад школы, але і старыя ліквідаваць, каб дзеці не бачылі дрэнных прыкладаў з боку дарослых, якія злоўжываюць алкаголем.  

Намеснік старшыні Пружанскага раённага выканаўчага камітэта Вячаслаў Зубко лічыць, што паводле закону любая крама можа гандляваць гарэлкай, калі прытрымліваецца вызначаных правілаў. А праблема алкагалізацыі палягае значна глыбей. Па яго словах, не з крамаў трэба пачынаць, а тым больш “Склад” абсталяваны відэаназіраннем і дзецям там рабіць няма чаго наогул. Хацелася б, кажа Зубко, каб крамаў з гарэлкай было няшмат, як у Швецыі, але пакуль мы так жыць не можам.

Былы дырэктар сш № 4, грамадскі актывіст  Іван Здановіч упэўнены, што лікёра-гарэлачную краму трэба прыбраць ад школы, бо прыклад дарослых для дзяцей заразны. Такой жа думкі прытрымліваюцца святары, вернікі і сотня тых гараджан, падпісаўшыя заяву, у якой просяць мясцовыя ўлады аднесці краму  “Склад” ад школы - зрабіць першы крок у антыалкагольнай кампаніі.

Па меркаваннях пружанцаў, пакуль эканоміка дзяржавы будзе залежаць ад “п’яных грошай”, змагацца за цвярозы лад жыцця вельмі цяжка.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international