Баранавіцкі гарвыканкам забараніў пікет супраць расійскай авіябазы

2013 2013-09-04T18:42:21+0300 2013-09-04T18:42:21+0300 be http://spring96.org/files/images/sources/kirpich-znak.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

4 верасня стала вядома, што Баранавіцкі гарвыканкам не дазволіў пікет супраць расійскай авіябазы, які запланаваў грамадскі актывіст Мікалай Чарнавус на 8 верасня – у Дзень беларускай вайсковай славы.

Грамадскі актывіст хацеў публічна выказаць пратэст супраць пагрозы размяшчэння на тэрыторыі Беларусі замежных вайсковых баз і вайсковых аб’ектаў. Планавалася, што ў мерапрыемстве прымуць удзел 10 чалавек, якія будуць выкарыстоўваць транспаранты і плакаты “Беларусь – мірнае неба Еўропы” і “Беларусь – нейтральная краіна”.

У адказе, які падпісаў намеснік старшыні Баранавіцкага гарвыканкама Дзмітрый Касцюкевіч, паведамляецца, што Мікалай Чарнавус 19 лістапада 2012 года быў прыцягнуты да адміністрацыйнай адказнасці згодна арт. 23.34 ч.2 КаАП за парушэнне парадку арганізацыі і правядзення масававага мерапрыемства. Раней мы паведамлялі, што суддзя Аксана Сарахман прысудзіла Мікалаю Чарнавусу адміністрацыйны штраф у памеры трох мільёнаў рублёў за правядзенне дабрачыннага абеду на Баранавіцкім кааператыўным кірмашы.

На гэтай падставе, спасылаючыся на арт. 5 (абзац 6) Закона РБ “Аб масавых мерапрыемствах” ад 30 снежня 1997 года, Баранавіцкі гарвыканкам забараніў Мікалаю Чарнавусу правядзенне пікета 8 верасня.

Нагадаем, што за апошні год у горадзе не было дазволена ні аднаго масавага мерапрыемства апазіцыі ў вызначаным гарвыканкамам месцы. Усе заяўкі на пікеты і мітынгі былі забаронены баранавіцкімі чыноўнікамі. 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international