Ліквідаванае грамадзкае аб’яднаньне «Стары горад»

2007 2007-04-12T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Судзьдзя Берасьцейскага абласнога суду Георгій Дзьмітрук задаволіў пазоў упраўленьня юстыцыі аблвыканкаму і ліквідаваў арганізацыю «Стары горад», якая дзейнічала з 1992 году. Як паведамляе «Радыё Свабода», суд палічыў, што гісторыка-культурніцкае аб’яднаньне “Стары горад” парушыла заканадаўства, бо ня мела сталага офіснага памяшканьня і не прапісала ў сваім статуце нормы “прадмет дзейнасьці арганізацыі”.

Але старшыня “Старога гораду” Ірына Лаўроўская лічыць, што гэта былі толькі фармальныя прычыны:

“Сапраўдная прычына – зачыстка ўсяго трэцяга сэктару, непадкантрольных уладам грамадзкіх арганізацыяў. Некалькі месяцаў таму, на афіцыйным сайце аблвыканкаму зьявілася маё прозьвішча побач са “Старым горадам”, як заўважанай у дэструктыўнай дзейнасьці. Думаю, што наша дзейнасьць раздражняла дзяржаўныя структуры вельмі даўно. Яны ўвесь час у наш бок ня роўна дыхалі. Але да сёньняшняга дня мы выходзілі з гэтага становішча.

А, што тычыцца фармальных прэтэнзіяў, якія закінула нам упраўленьне юстыцыі, то гэтыя фармальныя прычыны можна было ліквідаваць цягам дзесяці хвілінаў”, -- кажа Ірына Лаўроўская.

Нягледзячы на фармальную ліквідацыю аб’яднаньне “Стары горад” не зьбіраецца спыняць сваю дзейнасьць. Ня выключана, што арганізацыя будзе зарэгістраваная, як гарадзкая суполка Таварыства беларускай мовы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international