ГА "БАЖ" заклікае дзяржструктуры адказаць за працу з журналістамі

2013 2013-08-21T11:28:28+0300 1970-01-01T03:00:00+0300 be

У межах кампаніі за доступ журналістаў да інфармацыі ГА “Беларуская асацыяцыя журналістаў” накіравала афіцыйныя запыты больш чым у 40 розных дзяржаўных міністэрстваў і ведамстваў.

Усе беларускія міністэрствы, вядучыя дзяржаўныя камітэты, а таксама абласныя і гарадскія выканаўчыя камітэты ГА “БАЖ” просіць адказаць, якімі дакументамі рэгламентавана акрэдытацыя журналістаў пры гэтых установах.

Таксама ў афіцыйных зваротах ГА “БАЖ” цікавіцца, ці існуюць у гэтых ведамствах якія-кольвек нарматыўна-прававыя акты, якія абмяжоўваюць прадастаўленне журналістам той ці іншай інфармацыі, а таксама ці існуе прыярытэт для журналістаў дзяржаўных СМІ.

– Ідэя накіравання такіх запытаў узнікла падчас апытання журналістаў-сябраў нашай арганізацыі, – гаворыць прэс-сакратар ГА “БАЖ” Барыс Гарэцкі. – Цягам жніўня мы апытвалі журналістаў вядучых СМІ адносна таго, якія дзяржаўныя ведамствы найбольш часта адмаўляюць ім у інфармацыі.

Па выніках апытання ўзнік нават своеасаблівы рэйтынг закрытасці, які паказаў, што праблемы з доступам да інфармацыі існуюць пры працы з пераважнай большасцю дзяржаўных ведамстваў. Менавіта таму ГА “БАЖ” і вырашыла афіцыйны праясніць гэтыя пытанні ў перапісцы з дзяржструктурамі.

Апроч міністэрстваў, шэрагу дзяржаўных камітэтаў і гарадскіх ды абласных выканаўчых камітэтаў запыты таксама накіраваныя старшыням Палаты прадстаўнікоў Нацыянальнага сходу і Савета Рэспублікі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international