Казуліну працягнулі рэжым выхаду з галадоўкі

2007 2007-04-09T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Яшчэ на месяц працягнулі рэжым выхаду з галадоўкі для палітвязьня Аляксандра Казуліна. Гэты рэжым дазваляе палітыку атрымліваць адмысловае дыетычнае харчаваньне і не працаваць, але ўсе іншыя патрабаваньні турэмнай дысцыпліны з Казуліна ня зьнятыя.

Адвакат Казуліна Ігар Рынкевіч заўважае, што турэмны рэжым выхаду з галадоўкі не дапамог ягонаму падабароннаму набраць вагу, страчаную падчас працяглай галадоўкі: за месяц пасьля таго, як Казуліну забаранілі прымаць харчовыя перадачы з дому, ён набраў толькі адзін кіляграм.

“Варта згадаць, што яшчэ напачатку мэдыкі папярэджвалі, што выхад з такой працяглай галадоўкі мінімум можа працягвацца да лета, прычым на волі, а ён жа не на волі, не ў санаторыі, а ў калёніі. Таму цяжка прадказаць, што будзе далей, але варта зазначыць, што пакуль пазытыўных зьменаў няма”, -- сказаў адвакат для “Радыё Свабода”.

Нагадаем, што палітык галадаў у турме 53 дні, патрабуючы разгляда беларускага пытаньня ў Радзе Бяспекі ААН. Аляксандр Казулін быў асуджаны на 5,5 гадоў пазбаўленьня волі за арганізацыю 25 сакавіка 2006 года масавай дэманстрацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international