У Магілёве забаронены пікет Свабоднага прафсаюза металістаў

2013 2013-08-15T18:08:26+0300 1970-01-01T03:00:00+0300 be http://spring96.org/files/images/sources/prafsajuzz.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мерапрыемства мусіла адбыцца 9 жніўня ў вызначаным гарвыканкамам месцы.

Актывісты Свабоднага прафсаюза металістаў (СПМ) мелі намер пратэставаць супраць таго, што Міністэрства юстыцый Рэспублікі Беларусь затрымлівае выдачу кіраўніку прафсаюза Аляксандру Бухвостава Статута прафсаюза і пячаткі.

Сваю адмову мясцовыя ўлады патлумачылі тым, што міліцыя не можа забяспечыць ахову правапарадку падчас масавага мерапрыемства.

Кіраўнік магілёўскага аддзялення СПМ Галіна Лісіцына падкрэслівае, што заяўка на пікет была пададзена ў адпаведнасці з законам за два тыдні да плануемага мерапрыемства і што ў пікеце мусіла прыняць удзел 10 чалавек.

"Мы вельмі здзіўлены і абураны тым, што нам забаранілі правядзенне пікета. Тым больш, што ён мусіў адбыцца ў дазволеным уладамі месцы на пляцоўцы стадыёна "Хімік" па вуліцы Чалюскінцаў, 64В. Зараз мы праводзім кансультацыі з нагоды таго, што нам рабіць далей і ці абскарджваць гэтае рашэнне", - гаворыць Галіна Лісіцына.

Трэба адзначыць, што не так даўно у Магілёве быў забароне пікет супраць расійскай авіябазы на тэрыторыі Беларусі. Яе ініцыятарам выступіў старшыня Магілёўскай абласной арганізацыі Аб'яднанай грамадзянскай партыі Уладзімір Шанцаў. Ён таксама прасіў дазвол у мясцовых уладаў на правядзенне мерапрыемства ў вызначаным для гэтых мэтаў месцы. Зараз адмову ў правядзенні пікета Шанцаў абскарджвае праз суд.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international