За пікет супраць расійскай авіябазы -- штраф 1 мільён рублёў

2013 2013-08-15T18:05:46+0300 1970-01-01T03:00:00+0300 be http://spring96.org/files/images/sources/sudovaja_zala.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 15 жніўня, суд Ленінскага раёна Магілёва аштрафаваў актывіста Аб’яднанай грамадзянскай партыі Мікалая Гладышава за несанкцыяваны пікет у цэнтры горада.

Нагадаем, што 4 ліпеня актывіст АГП, не маючы дазволу гарвыканкама, зладзіў пікет каля былога Дома быта ў Магілёве. Ён вывесіў расцяжку “Не расійскім авіябазам на зямлі Беларусі” на плоце і прастаяў каля яе амаль гадзіну. Пасля да яго падыйшлі міліцыянты і затрымалі.

У суддзе Мікалай Гладышаў сваю віну не прызнаў. Ён аргументаваў сваю акцыю тым, што абараняе інтарэсы Беларусі і не жадае, каб на яе тэрыторыі былі размешчаны ці то расійскія, ці то НАТАўскі войскі. На яго думку, яны ствараюць пагрозу для мясцовых жыхароў. Асаблівую небяспеку стварае ўзбраенне расійскай арміі, якое няякаснае і траўматычнае. Колькасць аварый з удзелам расійскіх ваенных самалётаў і ракет значна вышэйшая ў параўнанні з арміямі еўрапейскіх дзяржаў.

Суддзя Алена Воўкава палічыла, што актывіст парушыў артыкул 5 Закона “Аб масавых мерапрыемствах Рэспублікі Беларусь”, бо ён не падаваў заяўку на правядзенне пікета ў адпаведнасці з законам у мясцовы гарвыканкам.

У якасці прадстаўніка Мікалая Гладышава не быў дапушчаны старшыня Магілёўскай абласной арганізацыі АГП Уладзімір Шанцаў. Суддзя спаслалася на тое, што прадстаўляць інтарэсы людзей у судзе могуць толькі адвакаты.

Суддзя запытала ў актывіста, чаму ён не зладзіў санкцыяваны пікет у дазволеным месцы, на што Гладышаў адказаў, што ўлады ўсё адно не дазваляюць пікеты і ведаў, што яму таксама адмовяць у яго правядзенні, таму вырашыў не турбаваць чыноўнікаў сваёй заяўкай.

У якасці прыкладу ён прывёў выпадак з заяўкай на пікет Уладзіміра Шанцава, які прасіў правядзенне мітынга і шэсця супраць расійскай авіябазы ў дазволеным месцы на пляцоўцы стадыёна “Хімік”, які знаходзіцца на ўскрайку горада ў бязлюдным месцы, аднак яму было ў гэтым адмоўлена.

Мікалай Гладышаў прасіў суддзю вярнуць яму назад канфіскаваны плакат, аднак яму было адмоўлена ў гэтым.

Рашэнне суда Ленінскага раёна Магілёва актывіст мае намер абскардзіць у вышэйстаячай інстанцыі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international