Рагачоўскі грамадзкі актывіст Уладзімер Гермак атрымаў адказ ад МУС

2007 2007-04-05T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Рагачоўскі грамадзкі актывіст Уладзімер Гермак атрымаў адказ ад міністэрства ўнутраных справаў Беларусі на скаргу адносна незаконнага ўтрыманьня яго ў мясцовым аддзеле міліцыі напярэдадні дня Волі. Супрацоўнікі праваахоўных ворганаў коратка паведамілі, што заяву разгледзелі і скіравалі яе ў гомельскі аблвыканкам для прыняцьця мераў.

Як паведаміў актывіст Уладзімер Гермак, скаргу ў міністэрства на імя Навумава ён напісаў у іранічнай форме. Прычынай заявы сталася незаконнае ўтраманьне спадара Гермака ў мясцовым аддзяленьні міліцыі ад 7 раніцы да 15 гадзіны дня. Актывіста падазравалі ў злачынствах, якія здараліся ва ўсёй Гомельскай вобласьці. Так, спачатку ягоную машыну спынілі на выезьдзе з горада і суправадзілі ў аддзяленьне, бо ў Рагачове быў скрадзены падобны аўтамабіль. Пасьля Ўладзімеру Гермаку паведамілі, што ён часова затрыманы як падазроны ў ДТП у Мазыры. Напрыканцы, актывісту сказалі, што ў Карме скралі трансфарматар. У канцы дня ўдзельніка дэмруху адпусьцілі без складаньня пратаколу.

У адказ на дзеяньні праваахоўных ворганаў Уладзімер Гермак напісаў заяву ў Міністэрства ўнутраных праваў, дзе распавёў пра неправамерныя дзеяньні міліцыянтаў. Таксама актывіст адзначыў у дакумэнце, што ў наступны раз будзе тэлефанваць ў РАУС, каб даведацца, ці няма крадзяжоў па вобласьці.

Днямі актывіст атрымаў адказ ад міністэрства, дзе пазначалася аб перанакіраваньні заявы ў абласны выканаўчы камітэт. Аднак, на думку Ўладзімера Гермака, чакаць, што будуць прынятыя сапраўдныя меры не выпадае, паведамляе "Гарт".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international