viasna on patreon

У Магілёве забаронены мітынг супраць расійскай авіябазы

2013 2013-08-12T17:18:33+0300 1970-01-01T03:00:00+0300 be https://spring96.org/files/images/sources/shancau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кіраўнік Магілёўскай абласной арганізацыі АГП Уладзімір Шанцаў

Кіраўнік Магілёўскай абласной арганізацыі АГП Уладзімір Шанцаў

Сёння, 12 жніўня, старшыня Магілёўскай абласной арганізацыі Аб’яднанай грамадзянскай партыі Уладзімір Шанцаў атрымаў адказ з Магілёўскага гарвыканкаму. У ім чыноўнікі адмаўляюць у правядзенні мітынга і шэсця.

“Гэта нейкі абсурд. Гэтым разам мы патрабавалі масавае мерапрыемства ў дазволеным для такіх мерапрыемстваў месцы, аднак улады забаранілі яго нават на ўскрайку горада. Відаць, тэма мітынга і шэсця для іх вельмі балючая, і яны не хочуць абвастраць узаемаадносіны з Расіяй”, - гаворыць Уладзімір Шанцаў.

Палітык адзначае, што саму адмову ў правядзенні масавага мерапрыемства ён мае намер абскардзіць праз суд.

“Будзем судзіцца і дабівацца дазволу на правядзенне нашага мерапрыемства. Недапушчальна, каб наша тэрыторыя была плацдармам для ваенных сілаў Расіі. Мы нейтральная краіна. Гэта прапісана ў нашай Канстытуцыі, і мы мусім жыць у адпаведнасці з ёй, а не паводле нечых жаданняў”, - кажа Уладзімір Шанцаў.

Нагадаем, што 24 ліпеня старшыня Магілёўскай абласной арганізацыі АГП падаў заяўку на правядзення мітынга і шэсця, якое, па задумцы Шанцава, мусіла адбыцца 18 жніўня на стадыёне “Хімік”, які размешчаны на ўскрайку горада. Шэсце мусіла адбыцца ўздоўж вуліцы Чалюскінцаў да ўзгаданага стадыёна.

https://mail.google.com/mail/u/0/images/cleardot.gif

Апошнія навіны

Партнёрства

Сяброўства