Акцыі салідарнасці прайшлі ў многіх краінах свету

2013 2013-08-06T08:48:41+0300 1970-01-01T03:00:00+0300 be http://spring96.org/files/images/sources/curih.2013-08-06.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзень салідарнасці ў Цурыху.

Дзень салідарнасці ў Цурыху.

Тысячы чалавек па ўсім свеце далучыліся да Міжнароднага Дня салідарнасці з грамадзянскай супольнасцю Беларусі. Праваабаронцы, грамадзянскія актывісты, палітыкі, дзеячы культуры і звычайныя грамадзяне з 15 краін свету прынялі ўдзел у акцыях салідарнасці 4 жніўня.

Дата 4 жніўня выбрана не выпадкова: гэта гадавіна арышту вядомага беларускага праваабаронцы Алеся Бяляцкага, кіраўніка праваабарончага цэнтра "Вясна" і віцэ-прэзідэнта Міжнароднай Федэрацыі Правоў Чалавека.

У гэты дзень у 2011 годзе ён быў арыштаваны і пазней прысуджаны да 4,5 гадоў пазбаўлення волі. Алесь адбывае пакаранне ў калоніі Бабруйска ў Беларусі.

У 2012 годзе гэты дзень быў адзначаны масавымі акцыямі ў падтрымку Алеся Бяляцкага, іншых палітвязьняў, а таксама грамадзянскай супольнасці Беларусі, таму было прынята рашэнне аб'явіць 4 жніўня Міжнародным днём салідарнасці.

У гэтым годзе акцыі прайшлі ў некалькіх гарадах Польшчы, Украіны, Расіі, Германіі, а таксама ў Нарвегіі, Швецыі, Швейцарыі, Чэхіі, Вялікабрытаніі, Італіі, Кыргызстане, Казахстане, Азербайджане, Арменіі і ЗША, паведамляе  by.soli-day.org

Правядзенне дня салідарнасці ў гэты годзе атрымала шырокае асвятленне ў СМІ і сур'ёзную палітычную падтрымку - 15 дэпутатаў Еўрапейскага Парламента з розных краін выступілі з адмысловай заявай, у якой заклікала ўлады Беларусі вызваліць Алеся Бяляцкага і паважаць узятыя на сябе міжнародныя абавязацельствы ў сферы абароны правоў чалавека. З заявай таксама выступіў Міклаш Харасьці - спецыяльны дакладчык ААН па сітуацыі з правамі чалавека ў Беларусі.

Дзень салідарнасці падтрымалі практычна ўсе найбуйнейшыя міжнародныя праваабарончыя і грамадзянскія арганізацыі. Спецыяльныя матэрыялы і заявы ў гэты дзень апублікавалі Сетка Дамоў Правоў Чалавека, Фрыдам Хаўс, СІВІКУС (сусветны альянс за грамадзянскі ўдзел). Партнёрам правядзення дня салідарнасці выступилаМеждународная Федэрацыі Правоў Чалавека, якая таксама абвясціла вялікую міжнародную кампанію ў падтрымку Алеся. Міжнародная Амністыя падтрымала правядзенне акцыі ў Расіі і Украіне.

У розных гарадах у гэты дзень былі арганізаваныя дыскусіі па сітуацыі ў Беларусі, у асноўным прысвечаныя становішчы праваабаронцаў, адмене смяротнага пакарання, развіццю грамадзянскай супольнасці. Асобная ўвага была ўдзелена справе Алеся Бяляцкага: паўсюль у гэты дзень былі яго фатаграфіі, праводзіўся збор подпісаў пад зваротамі за яго вызваленне, падчас шэрагу акцый ва ўдзельнікаў была магчымасць напісаць Алесю паштоўку або ліст з пажаданнямі.

У цэнтры многіх еўрапейскіх гарадоў - у прыватнасці ў Вільні, Варшаве, Празе, Берліне - прайшлі масавыя вулічныя акцыі з раздачай улётак з інфармацыяй пра Алеся і іншых палітычных зняволеных, а таксама са зборам подпісаў.

5 жніўня ў Вільні адбылася акцыя ля амбасады Беларусі, удзельнікі якой перадалі ў амбасаду зварот з патрабаваннем вызвалення Алеся Бяляцкага і іншых палітычных зняволеных, а таксама неадкладнага спынення рэпрэсій у адносінах да беларускім актывістам.

У Маскве 4 жніўня была праведзена выстава работ беларускіх фатографаў, у асноўным прысвечаная розным аспектам дзейнасці грамадзянскай супольнасці, прэзентаваная кніга «Справа Бяляцкага» пісьменніка і журналіста Валерыя Каліноўскага, а таксама прайшоў круглы стол «Ці стане Расія Беларуссю?» Аб паралелях развіцця грамадзянскіх таварыстваў у двух краінах.

Цурых. Акцыю ў замежжы правялі актывісты наваполацкага грамадзкага аб’яднаньня «Свабодны рэгіён» пры падтрымцы Міжнароднай фэдэрацыі за правы чалавека (FIDH). 

Паводле ўдзельнікаў, на будынку беларускага кансуляту былі расклееныя ўлёткі з адрасамі 12-ці палітзьняволеных, а таксама два плякаты з патрабаваньнем «Свабоду Алесю Бяляцкаму» па-расейску і па-ангельску.

Такія самыя плякаты былі расклееныя і на афішных тумбах. Мінакам таксама раздавалі ўлёткі з адрасамі палітзьняволеных і прапановай напісаць ім лісты падтрымкі. Удзельнікі акцыі адзначылі, што жыхары Цурыху мала ведаюць пра Беларусь, у тым ліку і пра наяўнасьць у краіне палітзьняволеных. Але нехта зь мінакоў адзначыў, што ў адной зь мясцовых газэт пісалі пра фальсыфікацыі падчас беларускіх парлямэнцкіх выбараў 2012 году.

Прага.

У Празе з нагоды Міжнароднага дня салідарнасьці з грамадзянскай супольнасьцю Беларусі адбылася акцыя ў падтрымку палітычных вязьняў.

У акцыі бралі ўдзел Арганізацыя за мадэрнізацыю ў Чэхіі, грамадзянская кампанія «Наш дом», а таксама міжнароднае аб’яднаньне «Грамадзянская Беларусь» і «Чалавек у нядолі».

Бішкек.

Акцыя салідарнасці з беларускім праваабаронцам прайшла ў сталіцы Кыргызстана.

Праваабарончы рух «Бір Дуйно Кыргызстан» правёў акцыю ў падтрымку беларускіх актывістаў у рамках міжнароднага дня салідарнасці з грамадзянскай супольнасцю Беларусі, які праводзіцца штогод 4 жніўня – у гадавіну арышту беларускага праваабаронцы Алеся Бяляцкага, паведамляе радыё «Азатык».

Варшава.

Варшава стала адным з гарадоў, дзе прайшоў Дзень салідарнасці з беларускай грамадзянскай супольнасцю. Horizon Група разам з Хельсінскім фондам нагадаў, што Беларусь з'яўляецца апошняй краінай у Еўропе, дзе ўжываецца смяротнае пакаранне. Пікет на Замкавай плошчы.

 Кіеў.

У Кіеве цэлы парк на ўвесь дзень быў абвешчаны «Прастора свабоднай Беларусі», дзе праходзілі лекцыі, дыскусіі, фотавыставы. На фотавыставу паспрабавалі напасці невядомыя правакатары, але ім не ўдалося сарваць правядзенне акцыі.

 

 

Дзень салідарнасці ў Празе
Дзень салідарнасці ў Варшаве
Дзень салідарнасці ў Кіеве
Акцыя салідарнасці ў Лондане.
Дзень салідарнасці ў Нарвегіі.
Пікет у Берліне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international