БАЖ бярэ ўдзел у Міжнародным дні салідарнасці з грамадскай супольнасцю Беларусі

2013 2013-08-05T09:27:50+0300 1970-01-01T03:00:00+0300 be

З гэтай нагоды ГА “Беларуская асацыяцыя журналістаў” накіравала афіцыйны зварот на адрас кіраўніка Папраўчай калоніі №2, дзе ўтрымліваецца Алесь Бяляцкі.

У звароце на адрас кіраўніка бабруйскай калоніі ГА “БАЖ” адзначае, што, паводле атрыманай інфармацыі, нядаўна адміністрацыяй калоніі да зняволенага праваабаронцы былі прымененыя неабгрунтаваныя меры пакарання.

У прыватнасці, паводле рашэння кіраўніцтва калоніі, Бяляцкі быў пазбаўлены запланаванага на ліпень спаткання з жонкай, а таксама магчымасці атрымаць чарговую харчовую перадачу.

ГА “БАЖ” лічыць, што такія пакаранні з’яўляюцца ціскам на Алеся Бяляцкага і звязаныя з грамадзянскай пазіцыяй і асобай праваабаронцы, а не са здзейсненымі ім парушэннямі.

У сувязі з гэтым ГА “БАЖ” просіць адмяніць накладзеныя на Алеся Бяляцкага пакаранні і ў самы бліжэйшы час дазволіць праваабаронцу сустрэцца ў калоніі са сваёй жонкай Наталляй Пінчук.

Апроч гэтага, 4 жніўня, у Міжнародны дзень салідарнасці з грамадзянскай супольнасцю Беларусі, ГА “БАЖ” яшчэ раз праінфармавала ўсіх замежных партнёраў арганізацыі пра стан выканання ўладамі правоў чалавека ў Беларусі і правоў журналістаў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international