Берасцейскі гарвыканкам забараніў пікет у падтрымку Бяляцкага
Берасцейскім прадстаўнікам праваабарончага цэнтра “Вясна” забаранілі праводзіць акцыю ў падтрымку палітзняволенага Алеся Бяляцкага, які знаходзіцца за сваю дзейнасць за кратамі ўжо два гады.
Берасцейскі праваабаронца Уладзімір Малей лічыць, што адмова ў правядзенні пакетавання - неправамерная:
- Парушаецца канстытуцыйнае права, права на свабоду слова, на правядзенне мірных сходаў, дэманстрацый. Рэальна правесці гэтае мерапрыемства немагчыма. Улада мае два стандарты: калі падаюць, напрыклад, “аўганцы”, таксама без дамоваў, то яны могуць адмовіць не па гэтай прычыне, а адказваюць, што ў гэты час, у гэтым месцы праводзіцца нейкае іншае масавае мерапрыемства.
Па словах чыноўнікаў, пікет забаронены па прычыне парушэння закона “Аб масавых мерапрыемствах”, а таксама з-за адсутнасці спецыялізаваных дамоваў.
* * *
Заяўку на яго арганізацыю падаваў Уладзімір Вялічкін. У адмове чыноўнікі спасылаюцца на парушэнні закона “Аб масавых мерапрыемствах”, зазначае праваабаронца.
Яны звяртаюць ўвагу на адсутнасць дамоваў на абслугоўванне тэрыторыі дзяржаўнымі службамі.
- Як звычайна, я быў перакананы, што гэтыя мэты не задаволяць. Ну, а падставы для адмовы таксама з самага пачатку былі вядомыя. Іх на сённяшні дзень толькі 2. Першая – гэта невыкананне 6-га пункта закона «Аб масавых мерапрыемствах», дзе напісана, што заяўнік мусіць падпісаць дамову з міліцыяй, хуткай дапамогай і камунальнымі службамі. Другая – гэта тое, што ў тым самым месцы, у той самы час праводзяцца нейкія мерапрыемствы, запланаваныя мясцовымі ўладамі.
Адмову ў пікеце берасцейскі праваабаронца збіраецца абскарджваць у вышэйшых інстанцыях. Монамітынг быў запланаваны на 4 жніўня - другую гадавіну арышту праваабаронцы Алеся Бяляцкага.
