4 жніўня – Міжнародны Дзень салідарнасці з грамадзянскай супольнасцю Беларусі

2013 2013-08-01T10:15:54+0300 1970-01-01T03:00:00+0300 be http://spring96.org/files/images/sources/4-zhniunia-poster-be.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Няўрадавыя арганізацыі розных краін свету другі год запар спрычыняюцца да правядзення Міжнароднага Дня салідарнасці з грамадзянскай супольнасцю Беларусі. Ён адзначаецца 4 жніўня - у гадавіну арышту беларускага праваабаронцы Алеся Бяляцкага.

Акцыя задуманая для дэманстрацыі салідарнасці з грамадзянскімі сіламі Беларусі і аказання маральнай падтрымкі праваабаронцам і грамадзянскім актывістам, якія працягваюць сваю працу ў краіне.

«Мы будзем адзначаць гэты дзень штогод, да таго часу, пакуль становішча грамадзянскай супольнасці ў Беларусі не зменіцца: пакуль у краіне не перастануць саджаць у турму за праваабарончую дзейнасць і пакуль у ёй не будуць гарантаваныя фундаментальныя свабоды: свабода выказвання думкі, сходаў і аб'яднанняў» , - гаворыцца ў Маніфесце Дня салідарнасці.

У мінулым годзе мерапрыемствы ў рамках акцыі прайшлі больш чым у 18 краінах свету. У гэтым годзе арганізатары прапануюць людзям па ўсім свеце адпраўляць паштоўкі і лісты са словамі падтрымкі беларускім палітвязням, праваабаронцам і актывістам, публікаваць матэрыялы і праводзіць асветніцкія акцыі аб сітуацыі ў Беларусі.  Па словах каардынатара праекта Лады Бурдачовай, акцыі салідарнасці з Беларуссю сёлета  запланаваныя ў ЗША, Вялікабрытаніі, Польшчы, Швецыі, Нямеччыне, Літве, Расіі, Украіне, Казахстане і Кіргізстане і некаторых іншых краінах.

Падрабязны спіс магчымых дзеянняў можна знайсці тут: http://by.soli-day.org/node/8

Арганізатары прапануюць 4 жніўня расказаць "людзям з розных краін аб тым, што адбываецца ў Беларусі, і пра тых людзей, якія прапануюць гэтаму альтэрнатывы - Беларусь без смяротнага пакарання, без незаконных затрыманняў і мілітазаванай свядомасці, адкрытую для знешняга свету, з шырокай прасторай свабоды і салідарнасці».

«Мы перакананыя, што сітуацыя ў Беларусі з'яўляецца знакавай не толькі для Еўропы і Цэнтральнай Азіі, але і для многіх іншых краін, дзе актывісты падвяргаюцца пераследу, а прадстаўнікі ўладаў адчуваюць сябе непадкантрольнымі і беспакаранымі», - адзначаюць арганізатары акцыі.

Алесь Бяляцкі, кіраўнік Праваабарончага Цэнтра «Вясна», быў намінаваны на Нобелеўскую прэмію міру.  Ён арыштаваны 4 жніўня 2011 г. і зараз адбывае турэмны тэрмін (4,5 года) за ўхіленне ад выплаты падаткаў. Даходы, з якіх Алесь нібыта не плаціў падаткі, на самай справе былі сродкамі на праваабарончую дзейнасць і падтрымку ахвяр палітычных рэпрэсій у Беларусі.

Па дадзеных праваабарончых арганізацый, ў цяперашні час у Беларусі ёсць 12 палітычных зняволеных. Ні адны з апошніх выбараў у краіне не былі прызнаныя свабоднымі; Беларусь таксама абвінавачваюць у сур'ёзных парушэннях фундаментальных правоў і свабод яе грамадзян.

У міжнародны аргкамітэт акцыі ўвайшлі Камітэт Міжнароднага кантролю за сітуацыяй з правамі чалавека ў Беларусі, Цэнтр Грамадзянскіх свабодаў (Украіна), Хельсінкскі Фонд па Правах Чалавека (Польшча), Маскоўская Хельсінкская група (Расія), Міжнароднае Моладзевы Праваабарончы Рух, «Індэкс цэнзуры» (Вялікабрытанія ) і Беларускі Дом правоў чалавека (Літва).

Больш падрабязную інфармацыю пра акцыю можна знайсці на сайце (http://by.soli-day.org), а таксама на старонках у сацыяльных сетках:

Facebook - http://www.facebook.com/groups/368867776513480/

Вконтакте - http://vk.com/bysoliday

Як гэты дзень адзначаўся ў мінулым годзе.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international