Вадзім Канапацкі чакае ад суда задавальненьня ўсіх патрабаваньняў, выкладзеных у зыску аб абароне гонару, годнасьці і дзелавой рэпутацыі да газеты “Рэспубліка”

2007 2007-04-02T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Судовая справа па зыску актывіста партыі БНФ Вадзіма Канапацкага да газеты “Рэспубліка” і журналіста гэтага выданьня Андрэя Сотнікава аб абароне гонару, годнасьці і дзелавой рэпутацыі будзе разгледжана ў судзе Савецкага раёна Менска 16 красавіка. Як стала вядома праваабарончаму цэнтру “Вясна”, маральны ўрон, нанесены публікацыяй, Вадзім Канапацкі ацаніў ў 10 мільёнаў рублёў, па 5 з абодвух адказчыкаў.

Нагадаем, што ў адным з лістападаўскіх нумароў газеты “Рэспубліка” за мінулы год у артыкуле журналіста Андрэя Сотнікава пад назвай “Деньги и «демократы” была пададзена інфармацыя пра тое, што нібыта “прадстаўнік штабу Аляксандра Мілінкевіча В. Канапацкі атрымаў ад кіраўніка літоўскага офісу Міжнароднага рэспубліканскага інстытуту (ІRI) Т. Олсэна грант у памеры 5 тысяч даляраў ЗША “на развіцьцё лясной інфраструктуры Мінскай вобласьці” і ўзяў гэтыя грошы сабе”.

Вадзім Канапацкі лічыць, што надрукаваная ў “Рэспубліцы” інфармацыя, якая не адпавядае рэчаіснасьці, нанесла ўрон не толькі яго дзелавой рэпутацыі, паколькі ён актыўна займаецца грамадскай дзейнасьцю, але таксама і маральныя пакуты, якія выражаліся ў адчуваньні сораму перад знаёмымі, суседзямі і выбаршчыкамі. На той момант Вадзім Канапацкі быў зарэгістраваны ў якасці кандыдата ў дэпутаты ў Мінскі гарадскі Савет дэпутатаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international