Папраўкі ў выбарчае заканадаўства — у адміністрацыі

2013 2013-07-25T16:26:46+0300 1970-01-01T03:00:00+0300 be

Законапраект аб унясеньні зьмяненьняў і дапаўненьняў у выбарчае заканадаўства цяпер на разглядзе ў адміністрацыі прэзыдэнта Беларусі. Восеньню ён можа быць разгледжаны парлямэнтам.

Пра гэта паведаміў сакратар Цэнтравыбаркаму Мікалай Лазавік. Ён не выключае, што ў жніўні пройдзе нарада па гэтым пытаньні. Паводле Лазавіка, папраўкі ў выбарчае заканадаўства павінны быць прынятыя да маючых адбыцца ў 2014 годзе выбараў у мясцовыя Саветы.

Ён удакладніў, што «асноўныя папраўкі тычацца ня столькі мясцовых, колькі парлямэнцкіх выбараў». Хоць некаторыя будуць тычыцца і мясцовых выбараў. «У прыватнасьці, мы прапануем, каб і ў кандыдатаў у дэпутаты мясцовых Саветаў былі асабістыя выбарчыя фонды», — сказаў Інтэрфаксу Лазавік.

У канцы студзеня гэтага году пытаньні зьмены заканадаўства аб правядзеньні выбараў абмяркоўваліся на нарадзе ў кіраўніка дзяржавы. У прыватнасьці, тады разважалі, ці варта ўносіць у выбарчае заканадаўства зьмяненьні, якія б выключылі агітацыю за байкот выбараў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international