У Магілёве плануецца мітынг супраць расійскіх авіябаз

2013 2013-07-25T13:20:54+0300 1970-01-01T03:00:00+0300 be http://spring96.org/files/images/sources/shancau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кіраўнік Магілёўскай абласной арганізацыі АГП Уладзімір Шанцаў

Кіраўнік Магілёўскай абласной арганізацыі АГП Уладзімір Шанцаў

24 ліпеня старшыня Магілёўскай абласной арганізацыі Аб’яднанай грамадзянскай партыі Уладзімір Шанцаў падаў заяўку ў гарвыканкам на правядзенне 18 жніўня мітынга і шэсця супраць размяшчэння на тэрыторыі Беларусі расійскіх авіябаз.

Палітык перакананы, што Беларусь мусіць быць нейтральнай краінай, як тое прапісана ў артыкуле 18 Канстытуцыі Рэспублікі Беларусь, аднак наяўнасць у краіне расійскіх ваенных баз і жаданне кіраўніцтва краіны дазволіць размяшчэнне новых парушае гэты канстытуцыйны прынцып.

“Нас з экранаў тэлевізараў пастаянна палохаюць нейкімі пагрозамі з боку Захаду, што вакол нас адны ворагі і шпіёны. Няўжо нашы суседзі – Літва, Польшча, Латвія ці Украіна рыхтуюцца да вайны з намі? Усё гэта поўная лухта. Гэта спроба апраўдаць наяўнасць гэтых баз на тэрыторыі Беларусі, каб атрымаць нейкія палёгкі і датацыі з боку Крамля”, - кажа Уладзімір Шанцаў.

Палітык перакананы, што наяўнасць на тэрыторыі краіны замежных расійскіх баз робіць аўтаматычна Беларусь мішэнню, а празмерная аварыйнасць у расійскім войску ставіць пад пагрозу жыцці простых беларусаў, якія жывуць у ваколіцах.

“На думку расійскіх спецыялістаў, аварыйнасць у расійскім войску ў два разы вышэйшая, чым у вядучых дзяржаў свету. Мы з’яўляемся частымі відавочцамі таго, як рвуцца снарады на складах у розных частках Расіі і ад гэтага гінуць людзі. Мы хочам, каб такога ў нас не было”, - гаворыць Шанцаў.

Трэба адзначыць, што пад заявай на мітынг і шэсце падпісаліся таксама сем мясцовых грамадска-палітычных актывістаў. У выніку дазволу мітынг мусіць прайсці на стадыёне “Хімік”, які размешчаны на ўскрайку горада, а шэсце мусіць адбыцца ўздоўж вуліцы Чалюскінцаў да ўзгаданага стадыёна.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international