Жыхар вёскі працягвае змагацца за доступ да водасховішча

2013 2013-07-22T20:32:47+0300 1970-01-01T03:00:00+0300 be http://spring96.org/files/images/sources/sudovaja_zala.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Судовая зала.

Судовая зала.

Дзмітрый Яўстратаў падаў наглядную скаргу на імя старшыні Магілёўскага абласнога суда.

Сёння, 22 ліпеня, жыхар вёскі Нядашава-2 Магілёўскага раёна Магілёўскай вобласці Дзмітрый Яўстратаў накіраваў наглядную скаргу на вызначэнне судовай калегіі па грамадзянскіх справах Магілёўскага абласнога суда.

Вясковец хоча, каб быў вынесены пратэст на вызначэнне ад 1 ліпеня 2013 года судовай калегіяй па грамадзянскіх справах Магілёўскага абласнога суда і на рашэнне суда Ленінскага раёна Магілёва ад 08 траўня 2013 года па скарзе на рашэнне Магілёўскага райвыканкама ад 21 лютага 2011 года №8-7 у частцы адабрання з зямель Нядашаўскага сельсавета і перадачы фермерскай гаспадарцы “Пралесак” зямельнага ўчастка плошчай 12,97 га, які знаходзіцца ў межах населенага пункта Нядашава-2 і размешчаны ў водаахоўнай зоне і прыберагавой паласе вадасховішча на рацэ Шчацінка паміж вуліцай Дальняй і водасховішчам.

Акрамя гэтага Дзмітрый Яўстратаў жадае, каб справа была накіравана ў суд Ленінскага раёна на новы разгляд у іншым складзе суда.

Нагадаем, што што прычынай канфлікту паміж жыхарамі вёскі Нядашава-2 і мясцовым фермерам Юрыем Коршунавым стала тое, што зямлю агульнага карыстання перадалі ў пажыццёвае карыстанне фермеру Юрыю Коршунаву без правядзення грамадскіх слуханняў і ўліку грамадскай думкі жыхароў вёскі.

Юрый Коршунаў пасля атрымання зямлі распахаў луг і засеяў яго кукурузай, тым самым абмежаваў прамы доступ жыхароў вёскі Нядашава-2 да вадасховішча. Цяпер, каб патрапіць на вадаём, рыбалку ці адпачынак, жыхарам трэба рабіць кола ў 2-3 кіламетры.

 

Апошнія навіны

Партнёрства

Сяброўства