З Уладзя Яроменка ўзялі падпіску пра нявыезд

2013 2013-07-22T15:21:53+0300 1970-01-01T03:00:00+0300 be

22 ліпеня актывіст «Маладога фронту» Уладзь Яроменак азнаёміўся з крымінальнай справай, якую завялі супраць яго паводле артыкула аб парушэнні правілаў прафілаяктычнага нагляду.

«Азнаёміліся з адвакатам са справай. У справе розныя дакументы, у тым ліку пратаколы, якія склалі міліцыянты паводле маіх нібыта парушэнняў нагляду. Усталяваных судом парушэнняў толькі два, а астатнія — тое, што лічыць міліцыя парушэннямі. З імі я нязгодны, і адвакат выклала нашы заўвагі ў скарзе. Мы звярнулі ўвагу на тое, што справу расследавалі ў гэтак званым „хуткім рэжыме“ — усяго за 15 дзён, між тым як заведзеная яна была яшчэ ў траўні. Чаму? Гэта таксама падстава для скаргі. Зараз справу перададуць у пракуратуру, і калі не прызначыць паўторнага расследавання, то справа пойдзе ў суд. Але калі гэта можа адбыцца, мне невядома», — сказаў Ўладзь Яроменак.

Паводле Уладзя Яроменка, следчы ўзяў у яго падпіску пра нявыезд, што актывіст лічыць бессэнсоўным захадам. «Я ж і без таго паводле ўмоваў нагляду не магу выязджаць нікуды без дазволу міліцыі».

У 2011 годзе Ўладзь Яроменак быў асуджаны на 3 гады зняволення за ўдзел у падзеях 19 сьнежня 2010 года, у тым жа годзе быў памілаваны Аляксандрам Лукашэнкам.

За ўдзел у шэрагу акцыяў салідарнасці з палітвязнямі Уладзь на пачатку 2012 года атрымаў год прафілактычнага нагляду, тэрмін якога потым быў працягнуты яшчэ на паўгода. Летась і сёлета яго некалькі разоў садзілі «на суткі» ў ізалятар на Акрэсьціна з надуманых, як лічаць праваабаронцы, прычын.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international