Шчучын: па факце знішчэння крыжа ў гонар камандзіра Арміі Краёвай пададзена скарга ў пракуратуру

2013 2013-07-18T22:15:33+0300 1970-01-01T03:00:00+0300 be http://spring96.org/files/images/sources/lelczycy_kryzh1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
фота Нашай Нівы

фота Нашай Нівы

Старшыня незарэгістраванага Саюзу палякаў у Беларусі Мечыслаў Яськевіч і сябра гэтай арганізацыі Вераніка Себасьцяновіч склалі скаргі ў Гарадзенскую абласную пракуратуру на прадмет акту вандалізму ў Шчучынскім раёне.

   17 ліпеня ў Рачкаўшчыне, што паблізу Бакштаў (Шчучынскі раён) у адсутнасць гаспадароў на прыватнай тэрыторыі быў спілаваны крыж, пастаўлены ў гонар камандзіра аб’яднаных збройных сілаў Арміі Краёвай Анатоля Радзівоніка, які загінуў у гэтай мясцовасці ў 1949-ым годзе ў баі з энкавэдыстамі. Крыж быў урачыста ўсталяваны 12 траўня бягучага года, тады ж на прыватным хутары адбылося набажэнства. Пазней міліцыя склала некалькі пратаколаў пра нібыта адміністрацыйнае правапарушэнне – правядзенне несанкцыянаванага масавага мерапрыемства.

   19 чэрвеня бягучага года Шчучынскім раённым судом Мечыслаў Яськевіч быў аштрафаваны на 40 базавых велічынь – 4 мільёны беларускіх рублёў, Вераніка Себасьцяновіч – на 25 базавых – 2 мільёны пяцьсот тысяч.

   Прадстаўнікі Саюзу палякаў выказваюць меркаванне, што акт вандалізму быў здзейснены паводле непасрэднага загаду ўлады – на месцы знішчанага крыжа былі выяўлены сляды ад грузавога аўтамабіля.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international