Cуд над віцебскай журналісткай перанеслі на няпэўны тэрмін

2013 2013-07-12T23:37:00+0300 1970-01-01T03:00:00+0300 be http://spring96.org/files/images/sources/sciapanava-alena-vic.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Кастрычніцкім райсудзе Віцебску 12 ліпеня  мусіў адбыцца судовы працэс над незалежнай журналісткай Аленай Сцяпанавай. Міліцыянты склалі на як пратакол за парушэнне закону аб СМІ, абвінаваціўшы ў працы без акрэдытацыі. Але суддзя Іна Грабоўская адправіла пратакол назад у міліцыю, бо ён быў складзены непісьменна.

"Праваабаронцы звярнулі ўвагу на тое, што ў пратаколе не ўказаныя ні месца, ні час, ні акалічнасці правапарушэння, у якім мяне вінавацяць. Такія самыя высновы зрабіў і мой адвакат. Так што я ішла на суд з тым, каб найперш аспрэчыць гэты пратакол. Ён складзены з парушэннямі працэсуальна-выканаўчага кодэксу, старшы інспектар аддзелу аховы правапарадку і прафілактыкі аддзелу ўнутраных спраў адміністрацыі Кастрычніцкага раёну  Сяргей Вяракса, напэўна, лічыць, што ў суд можна падаваць і такія дакументы… Падбор іх не вытрымлівае аніякай крытыкі: прыкладам, там ёсць два міліцэйскія рапарты, дзе сцвярджаецца, што я нешта пісала падчас судовых працэсаў , а потым з кімсьці размаўляла па тэлефоне. І нібыта гэта даказвае, што я  працую без акрэдытацыі на замежны СМІ", -- расказала Алена Сцяпанава.

Паводле віцебскага праваабаронцы Паўла Левінава, абвінавачанне ў парушэнні Закону аб СМІ ўвогуле абсурднае. Бо журналістка – прыватная асоба, а не кіраўнік сродку масавай інфармацыі, яна не ўяўляе сабою СМІ. І таму беспадстаўна вінаваціць яе ў парушэнні парадку распаўсюду і вырабу інфармацыі – а якраз пра гэта і гаворыцца ў частцы 2 артыкула 22.9 адміністрацыйнага заканадаўства, на падставе якога складзены пратакол.

"Я была б вельмі здзіўлена, каб такія аргументы і дакументы суд прыняў да разгляду, -- працягвае Алена Сцяпанава. – І гэта добра, што суддзя не пагадзілася судзіць мяне паводле такіх доказаў. Але тое, што дакументы ў суд рыхтаваліся вельмі спешна, на працягу 2-х дзён, можа сведчыць аб нейкім загадзе "зверху" ў дачыненні да маёй асобы. Камусці дужа не падабаецца, што інфармацыя з Віцебску трапляе ў незалежныя, у тым ліку замежныя СМІ – я маю на ўвазе інфармацыю "непрычасаную", сапраўдную…. І нехта вырашыў пашукаць вінаватых і "абясшкодзіць". Выбар міліцыі ўпаў на мяне. Чаму? Абавязкова запытаюся пра гэта на судзе, калі ён адбудзецца".

Суд перанесены на няпэўны час. Цяпер міліцыянтам трэба зноў складаць пратакол пра адміністрацыйныя парушэнні.

Упершыню ў Кастрычніцкі РАУС Алену Сцяпанаву  выклікалі па тэлефоне 5 ліпеня. Ёй было прапанавана з'явіцца на гутарку ў бліжэйшыя дні – у суботу ці нядзелю. Але яна адмовілася, бо запрашэнне на гутарку ў выходны падалося ёй падазроным. А ў панядзелак яна пайшла ў Кастрычніцкі РАУС ужо разам з адвакатам.

Даваць тлумачэнні ў міліцыі журналістка адмовілася на падставе 27-га артыкула Канстытуцыі Рэспублікі Беларусь, які дазваляе не сведчыць супраць сябе. Усе аргументы яна падрыхтавала для суду, але працэс не адбыўся.



Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international