Магілёўцы патрабуюць выбачэнняў ад Лукашэнкі за “адарваныя галовы”

2013 2013-07-12T12:32:53+0300 1970-01-01T03:00:00+0300 be http://spring96.org/files/images/sources/lukaszenko.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адзінаццаць магілёўцаў выказалі незадаволенасць фактамі прапаганды гвалту, хамства і пагрозы забойства службовых асобаў па Беларускаму тэлебачанню прэзідэнтам Рэспублікі Беларусь. Лісты з патрабаваннем прыняць меры ўздзеяння за выказванні да Аляксандра Лукашэнкі былі накіраваны ў Генеральную пракуратуру, Міністру інфармацыі, старшыні камісіі па правах чалавека і сродках масавай інфармацыі Палаты прадстаўнікоў, старшыні грамадскай Рады па маральнасці і адначасова старшыні саюза пісьменнікаў Беларусі Мікалаю Чаргінцу.

Падпісанты патрабуюць, каб кіраўнікі адказных за супрацьдзеянне прапаганды гвалту і амаральнасці не дапускалі ў СМІ паказ і публікацыі выказванняў кіраўніка дзяржавы, якія могуць негатыўна адбівацца на псіхіцы дзяцей і грамадзян, а таксама дыскрэдытаваць нашу краіну ў вачах сусветнай супольнасці.

Таксама магілёўцы хочуць, каб ў парламенце былі праведзены слуханні з нагоды недастойных паводзінаў Аляксандра Лукашэнкі і абавязаць прэзідэнта прынесці публічныя выбачэнні ў СМІ зняважаным міністрам, дзецям і гледачам беларускага тэлебачання.

Нагадаем, што 8 ліпеня па беларускаму тэлебачанню ў навінах з нагоды візіта Аляксандра Лукашэнкі ў Магілёўскую вобласць у вёску Александрыя, дзе праводзілася свята “Купалле”, быў паказаны рэпартаж, у якім прэзідэнт абяцаў адарваць галовы міністрам калі вырабляемая сельгастэхніка будзе няякаснай.  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international