У Бабруйску паўтары месяцы не прыбіраюць свастыку (фота)

2013 2013-07-11T16:38:08+0300 1970-01-01T03:00:00+0300 be http://spring96.org/files/images/sources/babr-svastyka.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У бабруйскім мікрараёне №6 ужо паўтары месяцы не знікае са сцяны будынка намаляваная чорнай фарбай свастыка. За гэты час забаронены сімвал не выклікаў цікавасці ні ў міліцыянтаў, ні ў камунальнікаў.

-Часам я хаджу дахаты пешшу па вуліцы Будаўнікоў, у накірунку канцавога прыпынка тралейбуса № 2. Якраз тут і знаходзіцца закінуты будынак, на які нехта нанёс выяву свастыкі. Яна даволі вялікая і вельмі добра бачная мінакам. Больш за тое, яе можна заўважыць нават з пляцоўкі тралейбуснага прыпынка, які знаходзіцца праз дарогу, якраз насупраць, - распавядае бабруйчанка Вольга Піманава.

Побач з закінутым будынкам са свастыкай пралягае пешаходная дарожка, стаяць шматпавярховыя дамы, ёсць праезная частка. Кожны дзень сімвал бачаць сотні жыхароў мікрараёна.

-Я непрыемна ўражана тым, што свастыка так доўга нікім не зафарбоўваецца. Атрымліваецца, нават на фоне нядаўніх пышных святкаванняў вызвалення Беларусі ад захопнікаў яна нікаму не “калола вочы”? Гэта вельмі прыкра, - адзначае Вольга Піманава.

Гэта не першы выпадак, калі ў Бабруйску доўгі час не знішчаюцца фашысцкія ці антысемсіцкія сімвалы і надпісы. Пры гэтым, надпісы кшталту “Жыве Беларусь” камунальнікі звычайна прыбіраюць на працягу адных сутак.

Па артыкулу № 17.10 Адміністрацыйнага кодэкса РБ “Прапаганда і (ці) публічнае дэманстраванне, выраб і (ці) распаўсюд нацысцкай сімволікі ці атрыбутыкі” невядомага бабруйскага “мастака”, у выпадку яго затрымання, чакаў бы штраф ці адміністрацыйны арышт.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international