Саюз беларускіх пісьменьнікаў абскардзіў распараджэньне міністра адукацыі А. Радзькова

2007 2007-03-28T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

СБП паскардзіўся ў Савет міністраў і Пракуратуру Беларусі на мінулагодняе распараджэньне міністра адукацыі Аляксандра Радзькова аб недапушчэньні ў школы мерапрыемстваў „па лініі СБП”.

У скарзе СБП сьцьвярджае, што „паводле дадзенага распараджэньня, у мэтах прапаганды мастацкай літаратуры, арганізацыі эфэктыўнай працы па ідэалягічным і духоўным выхаваньні вучнёўскай і студэнцкай моладзі даручаецца забясьпечыць правядзеньне творчых сустрэчаў зь пісьменьнікамі і іншых культурна-масавых мерапрыемстваў зь іх удзелам толькі па ўзгадненьні з [праўладным] грамадзкім аб’яднаньнем «Саюз пісьменьнікаў Беларусі»”, якое ўзьнікла ў 2006 годзе.

Рада СПБ лічыць, што распараджэньне „зьяўляецца незаконным, абмяжоўвае і парушае законныя правы як членаў грамадзкага аб’яднаньня «Саюз беларускіх пісьменьнікаў», так і ўсяго аб’яднаньня ў цэлым”.

— Мы перакананыя, — гаворыцца ў скарзе, — што гэтае распараджэньне носіць прыкметы манапалізму ў культуры, паколькі яно накіраванае на недапушчэньне, абмежаваньне й ліквідаваньне канкурэнцыі па прыкмеце прыналежнасьці да той ці іншай грамадзкай арганізацыі пісьменьнікаў.

Старшыня СБП Алесь Пашкевіч разьлічвае, што распараджэньне належным чынам прааналізуе ўрад і пракуратура Беларусі.

— У іншым выпадку, — адзначыў Пашкевіч, — аб’яднаньне, якое мае славутую 73-гадовую гісторыю, будзе адстойваць свае правы згодна з заканадаўствам Беларусі, паведаміла Радыё Рацыя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international