Суд над моладзевым актывістам В. Мацкевічам перанесены на невядомы тэрмін

2007 2007-03-27T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

26 сакавіка ў судзе Бабруйску высьветлілася, што пратакол затрыманьня аднаго зь лідэраў незарэгістраванай арганізацыі Маладога Фронту” Валеры Мацкевіча складзены з памылкамі.

Справу аб дробным хуліганстве накіравалі на дапрацоўку.

В. Мацкевіча затрымалі 23 сакавіка ў 16.00, калі ён пераходзіў дарогу каля свайго дому. У гэты дзень хлопец мусіў здаваць іспыт у інстытуце. Мацкевіч распавядае, што чакаў затрыманьня, але думаў, што гэта адбудзецца ўжо пасьля іспыту. Міліцыянты прад’явілі абвінавачваньне ў пераходзе дарогі ў неналежным месцы і прапанавалі прайсьці ў пастарунак. Там ахоўнікі правапарадку ўдакладнілі, што, акрамя парушэньня правілаў дарожнага руху, маладафронтавец яшчэ лаяўся матам, і абвінавацілі яго ў дробным хуліганстве. Праз дваццаць хвілінаў яны паехалі на прыпынак, які знаходзіўся каля пераходу і знайшлі двух сьведкаў. Мацкевіч кажа, што пры ягоным затрыманьні людзей на прыпынку не было.

Да суду Мацкевіч знаходзіўся ў пастарунку. У панядзелак на першым слуханьні хлопец не прызнаў сваёй віны, сказаў, што справа поўнасьцю палітычная і сфабрыкаваная.

Мацкевіч кажа, што на наступным паседжаньні сьведкамі зь ягонага боку выступяць бацькі. Прыпынак добра праглядаецца з вакна бацькоўскай кватэры, і яны бачылі, што на прыпынку і побач зь ім не было людзей.

Разам з тым, маладафронтавец не спадзяецца на станоўчае рашэньне ягонай справы. Бо тады атрымаецца, што трое сутак ён прасядзеў проста так, паведамляе Радыё Рацыя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international