Страйк прадпрымальнікаў у Салігорску (фота)

Усе гандлёвыя кропкі на салігорскім рынку “Кастрычніцкі” сёння зачыненыя. Мясцовыя прадпрымальнікі прымаюць удзел у агульнанацыянальным страйку, скіраваным супраць новых правілаў тэхнічнага рэгламенту Мытнага саюза.

Прысутны на рынку грамадскі актывіст Павал Батуеў паведаміў, што з пратэстуючымі прадпрымальнікамі сустрэлася дырэктарка рынку Лідзія Жукавец, якая імкнулася ўсяляк перашкодзіць працы незалежных журналістаў ды фатографаў. Аркамя таго, на рынку былі заўважаны супрацоўнікі невядомых спецслужбаў у цывільным, якія пільна сачылі за развіццём сітуацыі.

Нагадаем, пакуль пратэст прадпрымальнікаў мае аднадзённы папераджальны характар.