У Магілёве арыштаваны намеснік старшыні суда Кастрычніцкага раёна

Учора, 20 чэрвеня, супрацоўнікі міліцыі затрымалі проста на працоўным месцы суддзю Магамеда Умарава. З апранутымі на рукі кайданкамі яго вывелі з будынку суда. Пра гэта паведамілі відавочцы затрымання.

Падрабязнасці затрымання, а таксама афіцыйная прычына затрымання пакуль невядомыя.

Магамед Умараў спецыялізаваўся на крымінальных справах, а таксама займаў пасаду намесніка старшыні суда Кастрычніцкага раёна Магілёва. У раённым суддзе ён працаваў ад пачатку 90-х гадоў.

Магілёўскія праваабаронцы не выключаюць таго, што прычынай затрымання можа з’яўляцца атрыманне хабару. Раней, такая інфармацыя, ад грамадзян ужо паступала праваабаронцам.