Маці Андрэя Гайдукова дазволілі выступіць у якасці сведкі па яго справе

2013 2013-06-18T14:21:36+0300 1970-01-01T03:00:00+0300 be

Віцебскі абласны суд, дзе праходзіць слуханне крымінальнай справы Андрэя Гайдукова, дазволіў яго маці выступіць у якасці сведкі.

Пра гэта паведаміла віцебская праваабаронца Таццяна Севярынец, якая сочыць за ходам працэсу.

Закрыты суд над 23-гадовым Гайдуковым, абвінавачаным у здрадзе дзяржаве, пачаўся 12 чэрвеня. Як вынікае з раскладу, вывешанага ў будынку суда, слуханні працягнуцца як мінімум да канца гэтага тыдня, паведаміла Севярынец.

«Я раніцай сустрэлася з адвакатам. Ён кажа, што, мяркуючы па тым, як ідзе працэс, не выключана, што пасяджэнні могуць атрымаць працяг і на наступным тыдні», — сказала праваабаронца.

Адвакат таксама паведаміў, што задаволена хадайніцтва абароны аб прыцягненні да працэсу ў якасці сведкі маці Гайдукова. «Ёй дазволілі выступіць як сведцы, але калі яе выклічуць у суд, пакуль не вядома. Для яе гэта будзе хоць нейкая магчымасць убачыць сына», — адзначыла Севярынец.

Яна нагадала, што 14 чэрвеня Вольга Гайдукова напісала заяву на імя старшыні Віцебскага абласнога суда з просьбай дазволіць спатканне з сынам, але адказ пакуль не атрыманы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international