Родныя расстралянага Уладзіслава Кавалёва абскарджваюць адмову ў паведамленні месца пахавання

2013 2013-06-10T23:44:23+0300 1970-01-01T03:00:00+0300 be http://spring96.org/files/images/sources/kavaleva-lubou-placha.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Любоў Кавалёва.

Любоў Кавалёва.

Маці расстралянага Уладзіслава Кавалёва -- Любоў Кавалёва і ягоная сястра Таццяна Казяр накіравалі скаргу ў Міністэрства ўнутраных спраў на адмову Дэпартамента па выкананні пакаранняў паведаміць ягонае месца пахавання. Родныя Уладзіслава Кавалёва звярталіся ў ДПВ з такой просьбай 25 красавіка,  але ўжо 8 траўня атрымалі адмову. Першы намеснік начальніка ДВП МУС Рэспублікі Беларусь С.І. Працэнка толькі паведаміў, што «парадак выканання смяротнага пакарання строга рэгламентаваны артыкулам 175 Крымінальна-выканаўчага кодэкса Рэспублікі Беларусь, у адпаведнасці з якім прысуд да смяротнага пакарання, які ўступіў у законную сілу, выконваецца пасля атрымання афіцыйнага паведамлення аб адхіленні скаргаў, накіраваных у парадку нагляду і хадайніцтва аб памілаванні. Смяротнае пакаранне выконваецца непублічна шляхам расстрэлу. Цела для пахавання не выдаецца, аб месцы пахавання не паведамляецца ". У сваім звароце ў МУС Л. Кавалёва і Т. Казяр настойваюць на тым, што норма “пра месца пахавання не паведамляецца”, прадугледжаная ч. 55 арт 175 Крымінальна-выканаўчага кодэкса, на якое спасылаецца ДВП, з’яўляецца нікчэмнай, паколькі супярэчыць арт. 7 Міжнароднага пакта аб грамадзяскіх і палітычных правах.  Сваю пазіцыю яны абгрунтоўваюць меркаваннем Камітэту па правах чалавека ААН па справе Уладзіслава Кавалёва, згодна з якім «поўная сакрэтнасць вакол даты экзэкуцыі і месца пахавання, а таксама адмова ў выдачы цела для пахавання ў адпаведнасці з рэлігійнымі перакананнямі і звычаямі сям'і пакаранага зняволенага стварылі эфект запалохвання і пакарання сям'і шляхам наўмыснага пакідання іх у стане невядомасці і псіхічнага стрэсу. У сілу гэтых абставінаў Камітэт вырашыў, што гэтыя элементы ў сукупнасці, а таксама наступная ўпартая адмова дзяржавы-ўдзельніка ў інфармаванні аўтараў пра месца пахавання Кавалёва ўяўляюць сабой бесчалавечнае абыходжанне з аўтарамі ў парушэнне артыкула 7 Пакта »(пункт 11.10 меркаванняў).

Праваабаронца Раман Кісляк, які кансультуе родных Кавалёва, лічыць, што пры вырашэнні звароту родных Уладзіслава дзяржаўным органам, у прыватнасці Міністэрству ўнутраных спраў, неабходна кіравацца нормамі, прадугледжанымі Пактам і на падставе іх прыняць меры па спыненні парушэння іх правоў,  у прыватнасці, паведаміць аб месцы пахавання. Раман Кісляк лічыць, што норма «аб месцы пахавання не паведамляецца» не павінна ўжывацца пры разглядзе пытання.

Нагадаем, што Уладзіслаў Кавалёў быў абвінавачаны ў садзеяннні здзяйсненню тэракту, быў асуджаны да выключнай меры пакарання і расстраляны 15 сакавіка 2012 года.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international