viasna on patreon

Салігорск: Касацыйная скарга на забарону пікету да Дня Волі будзе разгледжана 20 чэрвеня

2013 2013-05-31T18:06:45+0300 1970-01-01T03:00:00+0300 be https://spring96.org/files/images/sources/sudy-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Салігорскага раёна накріаваў справу па скарзе Уладзіміра Шылы на забарону пікету да Дня Волі ў Мінскі абласны суд для разгляду ў касацыйным парадку. Слуханні па справе адбудуцца 20 чэрвеня ў 10 гадзін.

Яўка бакоў на судовае паседжанне не з’яўляецца абавязковай. Зрэшты, і сам заяўнік асаблівага сэнсу ў сваёй прысутнасці пры разглядзе справы не бачыць:

- Усе аргументы я падрабязна выклаў на паперы. Як сведчыць практыка, разгляд такіх скарагаў у касацыйным парадку носіць фармальны характар, таму асаблівага сэнсу ехаць за 140 кіламетраў ад дому не бачу, - кажа Уладзімір Шыла.

І хоць да судовага паседжання яшчэ далёка, а пра яго негатыўны вынік казаць са стоадсоткавай упэўненасцю ўсё ж такі зарана, актывіст ужо заяўляе пра сваю гатоўнасць звярнуцца са скаргай і ў Канстытуцыйны суд:

- У мінулым годзе салігорскімі ўладамі было забаронена некалькі дзясяткаў пікетаў. Значную частку з іх спрабаваў арганізаваць я асабіста, але ніводнага дазволу на правядзенне не атрымаў. У гэтым годзе сітуацыя паўтараецца. Думаю, гэта добрая нагода для звароту ў Канстытуцыйны суд, - лічыць Уладзімір Шыла. - Разумею, што ў нашай краіне грамадзяне не валодаюць правам наўпроствага звароту ў гэтую інстанцыю, але нішто не забараняе суду прыняць рашэнне паводле такога звароту. Салігорскі выканкам з’яўляецца відавочным парушальнікам гарантаванай Канстытуцыяй свабоды сходаў, мітынгаў ды пікетаванняў.

Па словах Уладзіміра Шылы, у падрыхтоўцы скаргі ў Канстытуцыйны суд яму актыўна дапамагаюць мясцовыя прадстаўнікі Беларускага Хельсінскага камітэту.

https://mail.google.com/mail/u/0/images/cleardot.gif

 

Апошнія навіны

Партнёрства

Сяброўства