Глыбокае: камісія вызначыць пакараньне за «Пагоню»

2013 2013-05-21T12:47:50+0300 1970-01-01T03:00:00+0300 be

У Глыбоцкім райвыканкаме адбудзецца пасяджэньне адміністрацыйнай камісіі, на якое выкліканы жыхар пасёлка Падсьвільле Мар’ян Місевіч.

Яго вінавацяць у парушэньні «архітэктурнага рашэньня» шматпавярховіка, дзе ён жыве — за тое, што размаляваў гаўбец пад нацыянальны сьцяг ды прымацаваў «Пагоню».

Добраўпарадкаваны такім чынам гаўбец прыцягваў увагу мінакоў цягам тыдня, бо выглядаючы дужа кантрастна побач зь іншымі, аблезлымі і нефарбаванымі. У гэтым доме цягам 40 гадоў не было рамонту.

Потым, не папярэдзіўшы гаспадара, камунальная служба перафарбавала гаўбец у чырвоны колер. А галоўны архітэктар Глыбоцкага раёну склаў на спадара Місевіча пратакол паводле артыкула 21.13 Кодэксу аб адміністрацыйных правапарушэньнях за «парушэньне архітэктурнага рашэньня фасадаў будынкаў і збудаваньняў» Мар’яну Місевічу пагражае штраф ад 200 тысяч да мільёна рублёў.

Якое спагнаньне будзе мець былы настаўнік матэматыкі, мае вырашыць раённая адміністрацыйная камісія. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international