Міжнародная федэрацыя хакея рызыкуе легітымізаваць парушэнні правоў чалавека ў Беларусі

2013 2013-05-20T12:01:59+0300 1970-01-01T03:00:00+0300 be http://spring96.org/files/images/sources/hokey-2014.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Заява прадстаўнікоў міжнароднай праваабарончай кампаніі “Не гуляйце з дыктатарам!”

Як нам стала вядома, Міжнародная федэрацыя хакея (IIHF) пацвердзіла на сваім агульным сходзе, які праходзіў у Стакгольме 16-19 траўня, што Рэспубліка Беларусь будзе прымаць чэмпіянат свету па хакеі ў 2014 годзе.

Мы, прадстаўнікі міжнароднай праваабарончай кампаніі “Не гуляйце з дыктатарам!”, глыбока расчараваныя гэтым фактам. Дазваляючы Рэспубліцы Беларусь правядзенне чэмпіянату 2014 года, IIHF падтрымлівае і рызыкуе легітымізацыяй рэжыму, які з трывожнай тэндэнцыяй парушае правы беларускага народа.

Беларуссю кіруе прэзідэнт Аляксандр Лукашэнка. У ягоных турмах ў цяперашні час утрымліваюцца прынамсі 11 палітычных зняволеных. Сярод іх кандыдат на Нобелеўскую прэмію міру і абаронца правоў чалавека Алесь Бяляцкі, а таксама прадстаўнікі палітычнай апазіцыі. У Беларусі выбары фальсіфікуюцца, свабодныя СМІ душацца, а моладзь зазнае ціск і пераслед за свае перакананні.

Дазвол, выдадзены IIHF на правядзенне чэмпіянату свету па хакеі, прадаставіць Аляксандру Лукашэнку вялікія магчымасці, каб паказаць сябе і свой рэжым у станоўчым святле. На жаль, сваім рашэннем IIHF дапамагае беларускаму рэжыму ў выкарыстанні чэмпіянату ў палітычных мэтах, у супрацьлегласць яе уласнай, шматкроць заяўленай пазіцыі не дазволіць буйным спартыўным мерапрыемствам ператварыцца ў палітычны спектакль.

 

Libereco – Партнёрства за правы чалавека (Нямеччына)

Östgruppen – Шведская ініцыятыва за дэмакратыю і правы чалавека (Швецыя)

Нарвежскі хельсінкскі камітэт (Нарвегія)

People in Need (Чэшская Рэспубліка)

Правы чалавека ў Беларусі (Нямеччына)

Грамадзянская Беларусь (Чэшская Рэспубліка)

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international