Ля Мілавідаў прыбралі тэрыторыю і адрамантавалі помнікі ў гонар паўстанцаў 1863года

2013 2013-05-20T11:16:00+0300 1970-01-01T03:00:00+0300 be http://spring96.org/files/images/sources/mila-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Ля Мілавідаў (Баранавіцкі раён) прыбралі тэрыторыю і адрамантавалі помнікі ў гонар паўстанцаў 1863г. Гэта стала вядома з ліста за подпісам в.а. старшыні Мілавідскага сельскага выканаўчага камітэта Тамары Былінскай, які атрымаў грамадскі актывіст Віктар Сырыца на калектыўны зварот грамадзян горада Баранавічы.

Раней мы паведамлялі, што грамадскія актывісты з Баранавічаў сабралі 148 подпісаў за тэрміновы рамонт помнікаў у гонар паўстанцаў 1863 года.

У адказе Тамары Былінскай паведамляецца, што з надыходам цяпла спецыялісты Баранавіцкага завода санэлектранарыхтовак адрамантавалі дах і пафарбавалі мемарыяльную каталіцкую капліцу, а таксама чыгунны праваслаўны крыж і пастамент каменя-валуна, якія ўсталяваны на месцы Мілавідскай бітвы касінераў Кастуся Каліноўскага і Аляксандра Лянкевіча з царскім войскам 22 мая (3 чэрвеня) 1863 года.

– Мы прасілі Мілавідскі сельскі савет арганізаваць працу па рамонту помнікаў і добраўпарадкаванню тэрыторыі з нагоды 150-х угодкаў Мілавідскай бітвы 1863 года. Таму сёння мы выказваем шчырую падзяку кіраўніцтву Баранавіцкага раёна і Мілавідскага сельскага выканаўчага камітэта за выкананне сваіх абяцанняў і зробленую працу, – паведаміў Віктар Сырыца.

 

Фота: так выглядаюць сёння пафарбаваныя мемарыяльная каталіцкая капліцы, камень-валун з шыльдаю, чыгунны праваслаўны крыж на месцы Мілавідскай бітвы касінераў Кастуся Каліноўскага і Аляксандра Лянкевіча з царскім войскам 22 мая (3 чэрвеня) 1863 года.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international