Базавы і пашыраны семінары «Правы чалавека «на пальцах» пройдуць у Мінску і Віцебску

2013 2013-05-15T18:07:00+0300 1970-01-01T03:00:00+0300 be http://spring96.org/files/images/sources/pravy-chalaveka-karc.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

“Вось праходзіць мітынг, а чалавеку праехаць трэба.

Яго ж Правы чалавека таксама парушаюцца!”

(удзельнік «Правоў чалавека «на пальцах»)

«У Беларусі парушаюцца Правы чалавека» - колькі разоў мы маглі чытаць, чуць, а можа і самі сцвярджаць гэта. Аднак як часта мы ўсведамляем, што менавіта хаваецца за гэтымі словамі? Дзе, кім і чаму парушаюцца? Задаецеся гэтымі пытаннямі? Прыходзьце на базавы семінар у Мінску 22 мая (серада) і пашыраны ў Віцебску 25 мая (субота).

Заяўкі на семінар у Мінску прымаюцца да 20 мая ўключна, у Віцебску – да 23 мая ўключна.

Пра што семінары?

Падчас уводнага семінара ў Мінску і пашыранага ў Віцебску мы закранём гістарычныя і філасофскія аспекты Правоў Чалавека, у якіх выпадках парушаюцца Правы Чалавека, а ў якіх не і якія існуюць механізмы іх абароны.

Таксама мы пагутарым аб прынцыповай розніцы паміж праваабаронцамі і палітыкамі, талерантнасці, большасці і меншасці, свабодзе і пра тое, што Правы Чалавека - гэта не пра ўсе на свеце, а вельмі канкрэтныя рэчы.

У праграме семінара ў Віцебску дадаткова будзе блок, прысвечаны прававым механізмам абароны правоў чалавека і грамадзяніна. Гэта будзе асабліва карысна юрыстам і тым, хто хоча прафесійна абараняць правы чалавека.

Калі Вы жадаеце даведацца пра ўсё гэта і паразважаць на тэмы - ласкава запрашаем запоўніць заяўку!

Вядучыя праграмы - маладыя беларускія праваабаронцы - з радасцю адкажуць на вашыя пытанні і абмяняюцца досведам.

Для каго праграма?

Да ўдзелу ў праграме запрашаюцца моладзь і студэнты, а таксама ўсе ахвочыя незалежна ад узросту, сацыяльнага палажэння, веравызнання і г.д.

Дзе і калі адбудзецца?

У Мінску семінар пройдзе 22 мая (пачатак а 18.30). У Віцебску - 25 мая (арыентыровачна пачатак аб 11). Дакладнае месца правядзення будзе паведамлена адабраным удзельнікам за дзень да мерапрыемства.

Анлайн-заяўку запаўняйце тут (абірайце неабходны горад са спісу). Дэдлайн падачы заявак у Мінску - 20 мая ўключна, у Віцебску – 23 мая.

Увага! Запаўняючы анкету, вы пагаджаецеся з правілам поўнага ўдзелу ў семінары.

Таксама звярніце ўвагу, што мы не маем магчымасці кампенсаваць праезд.

Бонус для ўдзельнікаў

Для тых, хто паспяхова пройдзе дадзены семінар, прадугледжана паглыбленае навучанне, а таксама іншыя прапановы ў галіне адукацыі правам чалавека, стажыроўкі і ўдзел у дзейнасці беларускіх і міжнародных праваабарончых і моладзевых арганізацый.

Даведка

«Правы чалавека «на пальцах» - адукацыйна-асветніцкі семінар па Правах чалавека, які праходзіць на рэгулярнай аснове. Семінар з'яўляецца першым этапам Міжнароднай школы Правоў чалавека і грамадзянскіх дзеянняў.

Семінары ладзяцца пры падтрымцы Беларускага Хельсінкскага Камітэта, прафсаюзнай групы «Студэнцкая Рада», праваабарончага цэнтра «Вясна», «Цэнтра прававой трансфармацыі» (Lawtrend).

Па ўсіх пытаннях пішыце на belmpd@gmail.com.

Далучайцеся да нас Вконтакте, Facebook, Twitter, Instagram.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international