За пратэст супраць будаўніцтва АЭС будуць судзіць двух віцебскіх актывістаў

2013 2013-05-08T11:19:34+0300 1970-01-01T03:00:00+0300 be http://spring96.org/files/images/sources/sudy-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На сябра КХП БНФ Віталя Каваленку склалі пратакол за парушэнне Закону аб масавых мерапрыемствах. Такі ж самы пратакол тыдзень таму быў складзены на яго аднапартыйца Яна Дзяржаўцава. 26 красавіка яны ўдвух выйшлі ў цэнтр віцебску з плакатамі «Будаваць АЭС бяз згоды народу можа толькі вораг Беларусі» і «Дыктатар, пабудуеш Астравец — пажнеш Чарнобыль».

І Ян Дзяржаўцаў, і Віталь Каваленка не прызнаюць, што праводзілі масавую акцыю: кажуць, што проста скарысталіся сваім законным правам на выказванне ўласнага меркавання.

"Супрацоўнікі Кастрычніцкага РАУС  прыехалі да мяне не працу, -- распавў Віталь Каваленка. – У мяне спыталіся, ці выходзіў я 26 красавіка з плакатам. Я сказаў, што выходзіў, што гэтага не абвяргаю, але гэта не было масавай акцыяй. Я так лічу. І ўсе свае аргумэнты я буду прыводзіць у судзе".

Дата суду ні Віталю Каваленку, ні Яну Дзяржаўцаву невядомая. Ім сказалі чакаць позваў.

Актывісты зазначаюць, што ўласна з плакатамі міліцыянты іх не бачылі, так што даказваць нешта яны могуць хіба толькі на падставе фотаздымкаў, якія былі ў інтэрнэце.

"Нас шмат фатаграфавалі мінакі. І верагодна, што нехта з іх патэлефанаваў у міліцыю. Калі на машыне пад'ехалі супрацоўнікі, мы ўжо збіраліся сыходзіць, і плакаты былі згорнутыя. Намеснік начальнік управы аховы правапарадку і прафілактыкі Віцебскага аблвыканкаму Андрэй Іваноў, які таксама прыехаў да нас, папрасіў на хвіліну разгарнуць плакаты. Ен сказаў, што мусіць праверыць, ці няма на іх заклікаў да звяржэння дзяржаўнага ладу. Нічога такога ён там і не знайшоў. Міліцыянты нас не затрымалі, толькі правялі да прыпынка – каб адсачыць, ці не развернем мы плакаты ў іншым месцы," – распавёў Ян Дзяржаўцаў.

У Віцебску ўжо бывалі прэцэдэнты, калі суд прымаў такія доказы, як фотаздымкі з інтэрнэту. І на падставе гэтага актывістаў ужо штрафавалі і каралі "суткамі".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international