Гомельская міліцыя палохае грамадзян напярэдадні святаў

2013 2013-05-08T10:57:42+0300 1970-01-01T03:00:00+0300 be http://spring96.org/files/images/sources/gomel-uvd.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

9 мая ў Гомелі пройдзе шэраг святочных мерапрыемстваў, прымеркаваных да Дня Перамогі – мітынгі, шэсці, канцэрты, выставы. Гомельская міліцыя выступіла напярэдадні святаў з папярэджаннем да грамадзян у тым сэнсе, што наведванне масавых мерапрыемстваў «можа ўтойваць у сабе вялікія пагрозы» 

У памятцы апісваецца, як павінен сябе весці грамадзянін на «свяце». У прыватнасці, захоўваць грамадскі парадак, паводзіць сябе паважліва ў адносінах да іншых грамадзян, выконваць законныя патрабаванні супрацоўнікаў праваахоўных органаў, а пры атрыманні інфармацыі аб эвакуацыі дзейнічаць паводле ўказанняў супрацоўнікаў органаў унутраных спраў, захоўваць спакой і не ствараць панікі. Ужо страшна ісці на такое свята!

Паводле міліцыі, удзельнікам масавага мерапрыемства забараняецца: «дапускаць выкрыкі ці іншыя дзеянні, якія абражаюць гонар і годнасць іншых людзей, праносіць забароненыя да абароту прадметы і рэчывы, агнястрэльную і халодную зброю, колючыя, рэжучыя, а таксама іншыя прадметы, якія могуць быць выкарыстаны для нанясення цялесных пашкоджанняў, піратэхнічныя вырабы, вогненебяспечныя, атрутныя і раздражняльныя слізістыя абалонкі чалавечага арганізма рэчывы, алкагольныя напоі, піва, напоі і прадукцыю ў шкляной і металічнай тары; буйнагабарытныя скруткі, сумкі і іншыя прадметы, якія замінаюць іншым удзельнікам».

Нельга таксама «выкідваць прадметы на трыбуну, сцэну і іншыя месцы выступленняў удзельнікаў масавага мерапрыемства, а таксама здзяйсняць іншыя дзеянні, якія парушаюць парадак правядзення масавага мерапрыемства, здзяйсняць дзеянні, якія абражаюць іншых грамадзян».

Нельга і «выкарыстоўваць плакаты і іншую дэманстрацыйную прадукцыю з любых матэрыялаў, якія дэманструюць ўмоўныя абазначэнні, сімволіку, лозунгі, накіраваныя на распальванне расавай, сацыяльнай, нацыянальнай, рэлігійнай і іншай нянавісці і варожасці».

Толькі ў мінулым годзе на свята 9 мая па Гомелі ў афіцыйнай калоне насілі партрэт Сталіна, які абражаў пачуцці многіх людзей, сваякі якіх пацярпелі ад рэпрэсій, ды ўладам не было да гэтага ніякай справы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international